كريازى

Mark Kamel

كريازى من الشركات المحترمه فى مصر اللى بجد بتقدم منتجاتها على اعلى مستوى من التكنولوجيا الحديثه وكمان انا عن نفسي عندنا تلاجه كريازى فى البيت بابين فى قمه الروعه الصراحه نادر جدآ لما تلقى التلاجه فيها حصل عطل لكن على العكس التلاجه بتريحك على ابعد مستوى وكمان لو حصل فيه اى عطل زى الترومستات اللى فى بعض الاوقات بيتحرق كل اللى عليك تتصل بمركز الصيانه للشركه هايجولك لحد البيت مع قطع غيار اصليه وناس مدربه وخبره فى قمه الكفائه الحاجه الجميله كمان انى الشركه منزله شويه عروض زى الفل وكمان التلاجات على احجام مختلفه تناسب كل احتياج .

Hany Afify

شركة كريازى من الشركات اللى لها اسم كبير فى السوق المصرى ولها منتجات كتير. فى لها مصنع كبير على طريق القاهرة بلبيس الصحراوى دايما بشوفه لما اكون ماشى على الطريق ده مصنع تلاجات وديب فريزرات ده غير مصنعها اللى فى العاشر من رمضان. الشركة لها منتجات زى الثلاجات والديب فريزرات والبوتجازات والسخانات الكهربائية والغاز ومن كل منتج فى له كذا تصميم واشكال واحجام متنوعة. وهى عموما لها سمعة كويسة ما عدا بعض المنتجات ولكن اعتقد ان ده شىء عادى انا بس بطالبهم يكون فى جودة اكتر من كدة لان فعلا منتجاتهم عموما جميلة وكويسة.

Ali Ahmed

كريازى دى شركه محترمه وهي من اكبر شركات الاجهزه فى مصر وانا عاوز اقول كريازى حبي واعتزازى وعن تجربه شخصيا النهارده انا كنت نازل اشترى بعض الاجهزه المنزليه ولفيت فى السوق وكان الكل من تجار الاجهزه يشهدون لاجهزه كريازى ومنها بالاخص الثلاجه والبوتاجاز وكان يشهد لى بعض اصحاب المعارض بان موتور وخامات صنع الثلاجه والبوتاجاز من اجود الخامات التى تستحمل الصدمات والشغل وبالنسبه للاسعار اسعاره معقوله فى متناول ايدى الجميع لانه مشهود له دائما باصدار احدث الاجهزه وكل سنه فى جديد وفى تطور وبذلك تجتاز ثقه الملايين من المصرين ولهذه الكفاءه العاليه يثقوا بها.

Ehab Wassily

من كام يوم حسيت إن الثلاجة في البيت لا تعمل كما يجب, تبريد قليل ثلج كثير المهم قررت انزل اشترى ثلاجة جديدة, نزلت على ش عبد العزيز لوجود عدد كبير من محلات الأجهزة الكهربائية وطبعا تهت وتعبت من كل بياع يحاول يوجهني لماركة شكل يكون فيها مصلحة له او نسبة ربح اكثر ليه بغض النظر عن مصلحتي فين. وبعد مرورى على عدد من المحلات وجدت قدامى توكيل كريازى دخلت أشوف النظام اية طبعا لقيت كل الموجود ماركة كريازى لكن كل الموديلات موجودة وكل الأحجام موجودة وكل الألوان متوفرة وغير كدة كان البائع شخصية خرافية وطويل البال بزيادة شرح لى كل موديل ومزاياه ومقارنتة مع الماركات الموجودة فى السوق واقنعنى بدون ضغط ليه لازم اشترى كريازى من جهة الجودة ومن جهة اخرى السعر ومن جهة ثالثة الصيانة ومن جهة رابعة ان التوصيل مجانى لحد البيت فى عربيات الشركة وكمان فية هدية على المنتج المهم خلصت ونويت اشترى لقيت فية حاجة جميلة فى السداد اما كاش فى المحل او بكروت الأئتمان او بدفعة بسيطة مقدمة لحين وصول الثلاجة للبيت وسداد الباقي مع الاستلام وبعد دة كلة اعتقد أنى هشترى ديب فريزر نوفروست الشهر القادم وشكرا لرجل المبيعات على أمانته.