بيتزا الشيخ

Mohamed Osman

المحل موجود فى ميدان سانت فاتيما بجانب اولاد رجب بالظبط، المحل دور واحد بس وحجمه مش كبير قوى، هو محل نضيف بس القعدة جوة صغيرة جدا هما تقريبا اربع ترابيزات او خمسة مش فاكر بالظبط، اعتقد صعب ان عيلة او اسرة ناكل جوة لكن انا لما بروح مع اصحابى عادى بناكل جوة المحل لكن لو معايا الاسرة بناخد الاكل تيك اواى او بناكل فى العربية، المحل بيعمل فطائر وبيتزا ايطالى وشرقى، بس هو متخصص فى الفطير، الفطير بتاعه تحفة ولو قلنا فطير يبقى فطيربالسجق رائعة وهى سخنة وتطلب معاها كمان واحدة بالشيكولاتة رائعة او بالفواكه والقشطة لو بتحب الحاجات الدسمة واسعاره كويسة جدا، بيعمل طبق مقبلات حلو اوى عبارة عن مخلل وجبنة حادقة ومعاهم بطاطس تحفة مسلوقة ومتقطعة مكعبات ومعمولها تتبيلة توم مع الكارى ماعرفش بيعملها ازاى بجد تجنن، المحل عنده خدمة توصيل وبيفتح لوقت متاخر لو حابب تروح تتعشى متأخر، مشكلته ان المكان هناك حيوى اوى وزحمة بس اولاد رجب غير كده الاكل تمام.