غبور اوتو

Mohamed Elhusieny

شركة جامدة جدا جدا وكمان نسبة مبيعاتها فى مصر تفوق جميع نسب بيع السيارات الاخرى والماركات المنافسة لان هيونداى بصراحة فى عام 2008 اثبتت جدارتها مرة اخرى وسعيت وراء تصميمات ممتازة ومحركات اقوى وهياكل اقوى ومواتير عزمها شديد وبصراحة ممتازة جدا جدا ووانتا ماشى فى الشارع لو باصيت هتلاقى نص راكبو السيارات او معظم راكبو السيارات من ماركة هيونداى ودة نتيجة ثقة العملاء فى هيونداى وكمان اسعارها كويسة جدا جدا ومنظرها وشكلها وتصميمها رائع جدا ومبهر جدا جدا وكمان هيونداى شركة معروفة حول العالم بحيث انها بتسوق منتجاتها فى اكتر من 180 دولة حول العالم من خلال اكتر من 5000 وكيل معتمد ودة بصراحة يثبت ويؤكد انها شركة ممتازة.

Hany Fathy

أنا مش حأكلم عن غبور وأنواع السيارات لأن زى ما قال مستر تايجر هو عارف السوق المصرى عايز ايه وكمان عربياته مغرقة الدنيا. أنا حأكلم عن الخدمة والصيانة لإن دى تعتبر أهم حاجة بعد ما تشترى العربية أزاى تقدر تحافظ عليها. أنا عربيتى أكسنت موديل 2006 وكنت بأروح أعملها صيانة لحد ما عملت 50 ألف كيلو بس الصراحة تجربتى معاهم ما كانتش كويسة.المشكلة انك تتصل وتاخد ميعاد بيبقى بعده بأسبوع وساعات أسبوعين وتروح تقف على الباب من الساعة 8 صباحا وممكن قبل كدة كمان علشان تلحق تدخل قبل الزحمة ولما يجى دورك يستلم منك المهندس المختص العربية ويسمع الشكوى بتاعتك لو فى مشكلة فى العربية ولاحاجة أو انك بتعمل الصيانة الدورية العادية وبعد ما يستلم العربية بيحدد لك وقت لاستلام العربية وطبعا زود ع الوقت ده بالميت من 3 إلى 4 ساعات. بتطلع تنتظر فى الكافتريا وطبعا ممكن تاخد معاك كتاب تقراه أو تاخد معاك اللاب توب بس لو مش معاك USB يبقى مش حتعرف تتدخل ع النت علشان ما فيش هناك wi fi . أو تقعد بقى تشرب فى شاى وقهوة وانت بتتفرج ع التليفزيون وممكن تنام لك شوية لو عايز ما انت مش حتخلص قبل الساعة 3 ونص 4 وطبعا حتدفع لك مبلغ محترم وتمشى.ومن الأفضل انك تشترى قطع الغيار من شارع دمشق وتخليهم بس يركبوها لأن قطع الغيار عندهم سعرها الضعف والأحسن كمان انك تعمل الصيانة فى قليوب لأنهم أسرع شوية أبو رواش بتبقى زحمة جدا. او تعمل زي وتشوف إيه إجراء الصيانة من جدول الصيانة الدورية وتعملوا انت برة التوكيل بس عند حد كويس حتوفر فى الوقت والفلوس.

Fady George

شركه غبور بصراحه عرفت السوق المصري عايز ايه عنده احسن واجود انواع السيارات الموجهة للسوق المصري فية عربية فعلا اثبتت كفاءه في السوق هي جيتس بصراحه قوية وبتستحمل كتير انا بفتري عليها كتير انا جربتها مريحه واقتصادية وشكلها مميز جدا 1600 سي سي وسحبها قوي وشبابيه بس مشكلتها حاجة واحده بس مش منتشره بصراحه قويه جدا اما السوناتا عربية خيالية حقيقي هي بصراحه مع صديق ليا بس هو بيقول عنها لو مافيش سوناتا مش هيركب عربية تاني ده كلامة 2000 سي سي بس بجد كفاية شكلها هي بس المشكلة انها بتاكل بنزين بشكل صعب وقطع غيارها عالية شويه بس اللي بيفكر في ابداع ومتعة القياده يبقي سوناتا ياريت اللي يجرب يقولي رايه منتظر رايكو