مطاعم مصطفى جاد

محمد خميس

جاد من المطاعم الممتازة ويقدم الكثير من الاكلات المصرية المحبوبة ويأتى على رأسها بالطبع الفول والفلافل اللذين يقدمهما جاد بشكل راقى وطعم ممتع ويقدم ايضا الاكلة التى احبها كثيرا وهى الكبدة الاسكندرانى وهو يقدمها فى عيش شامى وايضا فى العيش الكايزر وذلك حسب الطلب ويقدم مجموعة هائلة من المأكولات المألوفة مثل البطاطس البوريه الجميلة والعجة ذات المذاق المميز دون اضافات غريبة وايضا بعض الطواجن مثل المكرونة بالبشاميل ولدى مجموعة من السلطات الشهية والمخللات التى يحتاجها الطعام فعلا وبالفعل فأن جاد من افضل المطاعم الشعبية فى مصر

Mohamed Esmail

مطعم جاد من المطاعم المحترمة جدا في مصر واللي بتتناسب اسعارها مع جميع المستويات انا بحب اكل من جاد حاجات كتيرة بس اخص منها الجبنة المقلية انا بعشقها اوي وبحبها اوي من جاد بصراحة مطعم محترم جدا يا شباب وياريت تبقى كل المطاعم زيه ومتنوع بس فروعه مش كتيره اوي يعني مش بلاقيه في كل حته بيركزوا على الميادين بس انا بعتب عليه في نقطة صغيرة جدا وهي انه اوقات بيتأخر في توصيل الطلبات ولازم يلاقيله حل للمشكلة دي بانه يزومد عدد اللي بيوصول الطلبات شوية لكن عتابي ليه مش معناه اني بقلل من اهميته بالعكس انا بحب اكله جدا

Ayman Saeed

من افضل المطاعم القيمة وتمتاز بأسعارها المتناولة لجميع اطياف الشعب واقوم انا وزوجتى واطفالى بتناول وجبة كل يوم جمعة بصفة مستمرة

Ahmed Farid

احلى واطعم طعم سندوتشات في مصر كلها بلا منافس لانه من زمان جدا وانا باكل من جاد وفرع وسط البلد ده اكتر واحد حفظوني هناك وحتى في اي وقت بكون جعان انا وصحابي بشجعهم انهم ياكلوا من هناك بس ليا تعليق صغير: ياريت تزودو عدد الاصطاف اللي شغال هناك عشان ضغط الشغل لان ماشاء الله في اوقات الضهر وبالليل بالذات ممكن تقف ساعه تقريبا عشان تاخد طلبك من كتر الزحمه اللي هناك ولكن عامة مطعم جاد من احسن واكبر مطاعم الاكل في مصر ان لم يكن احسنها وارجو انكو تزودو فعلا عدد العاملين وشكرا جزيلا لاحسن مطعم في مصر واتمنى مزيد من التقدم لسلسه مطعام جاد

Essmat Elwasly

جاد من المطاعم اللى خدمت كل المصريين وغيرهم اللى فى مصر كان عندى مدرسيين من دولة الكويت وكنا فى مؤتمر تابع لوزارة التربية والتعليم ثم عزمت عليهم بأن نتمشى فى البلد شوية ثم نزلنا روكسى وكنا تقريبا جوعنا وكنت خايفه جدا لان الفلوس اللى معايا مش كتير نوعا ما وبدات اسأل عن بنك قريب من موقعا ثم خلت جاد وطلبنا فطائر وكانت مدهشه وحلوة قوى والاجمل الاسعار فعلا كانت مفاجئه لانه كان فعلا بسيطه وفى متناول الناس ومن يوميها وانا زبونة دائمة فى سلسة محلات جاد سواء اللى فى 26 يوليوا او اللى كان عند المالية او اللى فى روكسى ياريت نجرب الفطائر اللى عندة سواء كانت حلوة اوحادقة.

Esraa Gaber

من احسن الاماكن للاكل في اسكندريه وانا بروح اكل هناك انا واصحابي عل طول وكل السندوتشات الى فيه حلوه بس احسن حاجه فيه بصراحه الفول والفلافل هناك بجد حكايه يعني احسن واحد يعمل فول وفلافل في الاسكندريه والاكل هناك ليه طعم تاني ومحل الفطير بتاعه رائع بجد بس الي يعيبه ان هو زحمه قوي عل طول والواحد بيستني كتير عشان ياخد طلبه بس فى الاول والاخر الاكل رائع وبعد ماناكل من عنده بنشرب عصير من مكه الى قدامه وبتبقى فسحه جميله الصراحه والواحد بيبقى عايز يروح هناك على طول واكلته مختلفه ومتنوعه وهي دي من احسن مميزاته.

Riad Mohamed

يا سلام لو كنت قاعد لوحدك بالبيت بتتفرج على التلفزيون ولقيت اشهى الاكلات بتتعمل قدام عينك وابتدى لعابك يسيل من المنظر, تقوم ماسك التليفون وتطلب رقم مطعم جاد وتطلب فطيرة سجق وتخليهم يتوصوا بالجبنة والكاتشب (مع انهم مش محتاجين وصاية) وتطلب معاها كمان بيبسي كانز. يادوب بس تغسل ايدك وتجهز بطنك للاكل تلاقي الدليفري وصل, تروح قدام التلفزيون وتفتح علبة الفطيرة وتحط عليها الكاتشب وتفتح الكانز, وامسك الشوكة والسكينة وابتدي كل. جربها وهتدعيلي بعمل كده على الاقل مرتين فى الاسبوع, انا بفضل فطيرة السجق, انت ومزاجك في عندهم كل انواع الفطاير. نصيحة تانية كل الفطيرة وهي سخنة :d

Ahmed Rezq

مطعم جاد من المطاعم المميزه على مستوى مصر الى انه من الرواد في عالم الفول والطعميه الطازجه بالاضافه الى ان هناك عنده ساندويشات الحمص المطحون المميزه جدا جدا ولا يقتصر فقط على الفول والطعميه بل هناك عنده اكثر من نوع الساندويتشات السريعه مثل البرغر والبيتزا والبطاطس والشاورمه الطازجه يوميا وويوجد في بعض الافرع الفراخ والحمام المشوي وكمان يوجد طواجن والكبده الى ان جاد يوجد لديه خدمه التوصيل الى المنازل وهي خدمه مميزه وسريعه وعنده صاله للعائلات بالاضافه الى ان اسعار الطعام مناسبه للجميع وليست مرتفعه كبعض المطاعم.

Abdelsalam Elwi

مطعم محترم جدا يا شباب وياريت تبقى كل المطاعم زيه ومتنوع بس فروعه مش كتيره اوي يعني مش بلاقيه في كل حته بيركزوا على الميادين العامه فقط .ويتمييز محلات جاد ايضا بانخفاض الاسعار لكى تكون فى متناول الجميع ويكون جاد اثناء فترة رمضان من اجمل الاماكن لتناول السحور وتوصيل الطلبات للبيوت ِ.

Ramy Salim

سلسلة جاد تعتبر من أكثر المطاعم أنتشاراً على مستوى القاهرة والأسكندرية وكمان في فروع في بعض الدول العربية أنا بصراحة بحب الفول اللي هما بيعملوه لأنه مختلف ومستحيل تلاقي زيه في أي مكان تاني. أنا بتعامل مع فرع حلوان بس للأسف أغلب الناس اللي بتشتغل في الفرع ده مش بيعرفوا يتعاملو أزاي مع الزبائن وخصوصاً الكاشير ودي نقطة مهمة جداً لأن الرسول صلى الله عليه وسلم قال: تبسمك في وجه أخيك صدقة والزوق مطلوب أولاً أكيد. بس الصراحة تتقال الأكل جامد أوي ناهيك إن نظافة المكان والخدمة الجيدة خصوصاً الفراخ الرستو ملهاش حل بجد. الشئ الجميل كمان الدليفري بيوصلك في أقل وقت يعني أنت بتطلب الأوردر بتاعك وبيوصلك في أقل من نصف ساعة.

Mark Kamel

جاد فعلآ بكل فروعه من المطاعم التى تستحق التقدير والاحترام فوجود هذه الفخامه والاكل المتميز وبهذه الاسعار يجعلك فخور بهذا المطعم، مطاعم جاد استطاعت ان تنال ثقه كل من يتعامل معهم وذلك بسبب كل شئ الطعم الجميل المتميز الذى نادرآ ماتلقاه بره وكمان التنوع فى الاكل فهناك الكثير من الاكلات التى تناسب جميع الاذواق وايضآ النظافه بجد انا جربت مطاعم كتير مش بقول انهم ما كانوش نضاف ولكن مستوى النظافه فى جاد يفوق الكل، الشيفات هناك متميزين بأكلاتهم يستطيعون أن يجعلوا للأكل طعم خاص لذيذ لن تجده الا فى مطاعم جاد، هذا المطعم يستحق أن تذهب اليه وتأكل من عنده وأنت متطمن.

Sarah Magdy

انا كنت في الاسكندريه وكتير من اصحابي وقرايبي قالولي ان مطعم جاد اللي هناك جميل جدا فا لما وصلت الي الاسكندريه نزلت ادور عليه مكانه ميتوهش ابدا هو مطعم كبير جدا وعلى كورنيش الاسكندريه يعني مش هتدخل شوارع جانبيه ولا هتهوه عشان تلاقيه هو مطعم فول وطعميه ومأكولات بحريه ووبيتزا ولحوم ومشويات المطعم نظيف جدا فيه اماكن داخل المطعم وحاطط حوالي خمس ترابيزات او سته تقريبا على الرصيف في مواجهة البحر ولك حريه الاختيار في اي مكان تقعد فيه وطبعا وانته بتاكل والبحر قدامك منظر جميل جدا اما عن الخدمه داخل المطعم خدمه مميزه جدا وسرعه في اداء الطلبات ونضيف جدا بجد مطعم جميل جدا وطعم ومذاق اكله جميل اوي فبقول لكل اللي هيروح اسكندريه لازم تروح تاكل من عنده