كاستن للمأكولات البحرية

Motaz Bellah Hesham

كاستن من افضل مطاعم السي فود اللى في القاهرة، مطعم متميز بجد وكل انواع السمك اللى تتخيلها على مستوى عالى من الجودة، افضل حاجة في كاستن في رايي هو السمك المشوي بانواعه، المطعم من جوة الديكور كويس واستايل المحل كويس، الستاف اللى جوة محترم اوى اوى، المطعم من جوة هادي جدا، المطعم ضيق الى حد ما، الاسعار تعتبر معقولة مش رخيصة ومش غالية، المطعم نظيف جدا، ينقصه زيادة عدد الفروع وزيادة الدعاية والاعلانات للمطعم، ولكن انا شايف ان كاستن مطعم رائع واتمنى من الادارة زيادة الفروع بالقاهرة والمحافظات الاخرى والدعاية وتوسيع المطعم.

Mark Kamel

كاستن من المطاعم اللى بتقدم المأكولات البحريه على مستوى عالى من الفخامه، الاكل هناك تحفه مالهوش حل، السمك المشوى يخطف العقل ريحته تجيبك من اول الشارع، الاسعار كمان كويسه بس مش قوى يعنى لو الاسعار نزلت شويه يبقى كويس، بس مستوى الخدمه فى الفرع ده كويس يعنى الاكل بييجى بسرعه وكمان سخن وليهم اضافات كده وتتبيلات بيحطوها على الاكل بتخلى الاكل ليه طعم جميل، والمكان بيقع فى موقع ممتاز يتميز بالهدوء وكمان بالنظافه، العاملين بالمطعم بيحاولوا انهم يرضوا الزباين بأى طريقه ودة من الجميل ان المحل يحافظ على زباينه، المطعم محتاج توسيع وياريت فروع تانى بنفس الجوده.

Manar El Kady

من اشهر واحلى مطاعم السمك في بور سعيد وليه فرع في القاهرة روحته مرة بس ماكانش بنفس جودة فرع بورسعيد الاكل كان عادي اوي والخدمة كانت مع الاسف سيئة جدا جدا مش عارفة ليه كده مع انه المفروض انه يحافظ على مستواه واسمه في كل فروعه