ريجينسى بلازا اكوا بارك اند سبا ريزورت

Mohamed Esmail

انا مدير قسم الحجوزات في شركة فريندز للسياحة وفندق ريجنسي بلازا من الفنادق اللي نزلت عليها guest كتير اوي في الاعياد الفندق فوق الممتاز كموقع وكمنظر والفندق اللي بيميزه عن غيره من فنادق منطقة نبق ان البيتش بتاعه ممكن تنزله بخلاف فنادق كتيره البيتش بيستعمل كمنظر فقط يعني للمشاهدة لان طبيعة الشاطئ صخرية وكمان اللي بيتميز بيه انه فيه اكوا بارك للكبار والاطفال لكن للاسف وزي مبيقولوا الحلو مش بيكمل لان الخدمة فيه للاسف سيئة وده بسبب ان بعد الثورة مشوا الناس القديمة اللي كانت شغالة في الفندق ومن فترة وبعد الثورة ما خلصت جابوا ناس تانية تشتغل في الفندق اقل خبرة من الناس اللي مشيت وده كان السبب الرئيسي في ان الخدمة سيئة الي حد ما والحكم ده مبني علي شكاوي كتيرة جتلي من العملاء بتوعي