رويال كلوب محمد على

Mohamed Salah

فعلاً أنا بتفق مع العضو ديبو على ان محمد على كلوب مكان حلو جداً بس فيه حاجة هو سعره يوم الجمعة و السبت 100 جنيه و بقيت الاسبوع 80 جنيه. و على فكرة هو بيكون فاتح فى الصيف بس و بيقفل خلال فصل الشتاء

Mohamed Diab Diab

يعتبر محمد على كلوب من أفضل الاماكن لقضاء يوم مع أصحابك أو مع مراتك على حمام السباحة. المكان جميل جداً فحوليك المزارع من كل الجهات و جنبك النيل و حمام السباحة كبير و ممتع بالأضافة للقاعدة على الشيز لونجات فهى مريحة جداً. أما بالنسبة لأي بنت فالمكان ده على عكس أماكن كتير أوى فى القاهرة تقدر تلبس المايوه و تنزل الميه من غير ما حد يبس عليها أو يدايئها .... الحقيقة الناس كلهم هناك نضاف و محترمين. بالنسبة للمكان فهو بيديك الفوط فمش محتاج تاخد حاجه معاك و الحمام بتاعو نظيف جداً و تصميمه من جوة حكاية. عندهم أكل سناكس زى البرجر و الفرايز و كمان عندهم مشروبات غازية و كحولية. بالنسبة للسعر هو 85 جنيه للفرد و ده مش وحش علشان بكده يعتبر أرخص من أى فندق فى القاهرة.