ذا بودى شوب

Marium Mohamed

المحل ده كنت بعدى عليه كتير وعمرى ما دخلته بس فى مرة كنت معدية واولت ازوره. أول لما هتدخل المحل هتشم روائح رائعة و كأن الواحد فى حديقة مليانه بالورد. لما تدخل المحل هتلائى المنتجات كلها معروضة فى ثلاث اجزاء. و لما تدخل هتيجى بنت ترحب بيك وتسألك إذا ممكن تساعدك وبصراحة ديه من اسباب حبى للمكان لأن البنت ديه كانت خبيرة فى انواع البشرة والمنتجات المناسبة لكل بشرة وايه أحسن المنتجات بجد ساعدتنى جدا. و الحاجة برده الى عجبتنى ان منتجات المحل كله كانت من الاعشاب الطبيعية. بردو عجبنى أوى أن فيه حاجة من كل صنف إسمها تستر يعنى تجربيه و تشوفى لو عجبك. صحيح المحل غالى شوية بس ده علشان كل المكونات بتاعت منتجاته اورجنك فهوه يستاهل فعلا.

Mark Kamel

انا عن نفسي معرفش كل الاسعار هناك، لكن اعتقد انى المكان موفر تليفون تقدر تستفسر من خلاله عن اى حاجه، والافضل ان الشخص يروح هناك بنفسه علشان يتأكد من كل حاجه، المكان مميز وبيقدم جميع انواع مستحضرات التجميل من شامبو وكريمات وعطور وكمان مستحضرات عنايه بالبشره والشعر كله بجوده عاليه تقدر تثق فيهم، وكمان تقدر ترجعلهم فى اى وقت لو حابب تستفسرعن حاجه او لو كان عندك مشكله، كمان المستحضرات فيها حاجات كتيره ماركات وفيه مستورد من بره هاتلقى كل اللى انت عايزه بسهوله، مش بس كده لكن الاسعار هناك مميزه وكمان بيعملوا عروض حلوه من وقت للتانى، ذا بودى شوب مكان يستحق الثقه.

Manar El Kady

منتجاته رائعة فعلا وفي منتهى الروعة والجمال سواء الماكياج او منتجات العناية بالشعر او منتجات العناية بالبشرة بجد المنتجات نظيفة جدا جدا وامنه في الاستعمال ومضمونة وبتجيب نتيجة بجد مع الاستعمال المتكرر , كمان البرفانات اللي موجودة عنده حلوة اوي والجميل كمان انهم عاملين من كل منتجاتهم عينات للتجربة يعني قبل ماتشتري اي حاجة بتجربها الاول , اللي بيعجبني اوي كمان وجربته شخصيا كريم الايدين اللي بالفراولة رائع بجد مالهوش حل وريحته تجنن, وهتلاقي برضو المجموعة الكاملة منه يعني هتلاقي الشاور جيل وكريم للبشرة وكلهم حلوين مووووووت بصراحة منتجاته كلها احلى من بعض