اضف شركتك مجانا

مزدحم جداً
مزدحم
معقول
رائع
الطريق
اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.3 based on 14 reviews

التقييمات والتعليقات
  • محمد خميس 5.0

    26th January 2012

    الاهرام اعرق واكبر المؤسسات الصحفية فى مصر والشرق الاوسط وهى ذات اداء صحفى حرفى متزن تغطى فى اخبارها العالم كله وتخص بالطبع مصر والعالم العربى كما تنفرد بوجود مركز الاهرام الاستراتيجى الذى يحتوى على اكبر المحللين السياسيين كما وتتعدد لغة اصداراتها من العربية الى الانجليزية الى الفرنسية بأصدارات مستقلة كما تصدر بخلاف الاصدارات الخبرية التقليدية مجلات متخصصة للمرأة والشباب والرياضة والسياسة الدولية والدراسات الديمقراطية ومجلات للحاسب الالى والاطفال كما ان لها بوابة اليكترونية عملاقة على الانترنت تحتوى على الاصدارات والاخبار اللحظية

  • محمد النجار 0.0

    15th January 2012

    جريدة الاهرام من أكتر الجرايد متابعة بالذات فى العدد الاسبوعي بتاع يوم الجمعة الجريدة تابعة لمؤسسة الاهرام للصحافة و الطباعة و الدعاية و النشر جت فى فتره كانت الناس مقاطعة كل الجرايد اللي تابعة للحكومة بشكل رئيسي زي جريده الاهرام و الجهمهورية و غيرهم و كانوا بيتجهوا الي صحف المعارضة أو الرأي العام و لكن مازالت الاهرام ليها ثقلها فى السوق يعني بتلاقي الناس كل يوم و بالذات يوم الجمعة كلهم رايحين يشتروا جريدة الاهرام علي طول و طبعاً الاهرام من اكتر الشركات اللي بتكسب نتيجة للدعاية و الاعلانات الرهيبة اللي بتتعمل في صفحات الجرايد بتاعتهم

  • hany afify 3.0

    7th January 2012

    بغض النظر عن اى اراء او توجهات للجريدة الا انه يبقى ان موسسة الاهرام الصحفية مدرسة فى عالم الصحافة فهى من اعرق واقدم الجرائد المصرية وتاسست على يد سليم تقلا وبشارة تقلا فى سنة 1875 وصدر اول عدد منها بعدها بعام تقريبا . احلى حاجة فى الاهرام على مدى تاريخها ضمها لكتاب وصحفيين كبار ومتنوعى الافكار والاراء انا فاكر وانا صغير كنت بحب الاهرام عشان اخر صفحة فيها باب لسة موجود لغاية دلوقت اسمه صدق او لا تصدق ده غير ان اى حد بيدور على شغل او وظيفة لازم من الاساسيات انه يشترى عدد الاهرام بتاع يوم الجمعة لاحتوائه على عدد كبير جدا من الاعلانات عموما انا بتمنى الاهرام ترجع زى الاول وتكون مصداقيتها عالية عند الناس

  • Ahmed Khalil 0.0

    4th January 2012

    جريدة الاهرام طبعا من الصحف القومية فى مصر انا عن نفسى مكنتش بشترى غيرها بس الكلام دة قبل الثورة وخصوصا كنت بشتريها يوم الجمعة علشان الوظائف الخالية بتطلع فيها كتير يوم الجمعة بس بعد الثورة بقى بقيت اشتريها قليل اوى بقيت اشترى احيانا المصرى اليوم بس طبعا طول عمرى بشترى الاهرام فمقدرش اتنازل عنها بالسهولة والسرعة دى لان كنت دايما اول ما انزل من البيت الصبح اول حاجة اعملها انى اشترى الاهرام لانى كنت بحب اللى بيكتبو فيها صراحة وكنت بحب اقرا لهم وطبعا مكنتش اسيب صفحة فيها مقرهاش بس دلوقتى مبقتش زى الاول بحس عدد الصفحات بقى اقل معقول مش لاقيين اخبار يكتبوها ولا اية.

  • Ahmed Emad 0.0

    24th December 2011

    جريدة الاهرام من اشهر و اكبر و اقدم الصحف فى مصر و هى بالفعل رائدة الصحافة المصرية و هى اقدم و اكبر صحيفة حكومية فى مصر عمرها يتعدى المائة عام و فى خلال هذه الفترة الكبيرة كتب فيها عدد كبير من اشهر الصحفيين و الكتاب المصريين و العرب كانت منارة للصحافة فى العهد القديم و لكن مؤخرا اصبحت الية فى يد السلطة الحاكمة لفرض رأيها دون الاراء الاخرى و لكن بعد ثورة 25 يناير المجيدة رجعت فى يد الشعب مرة اخرى تعبر عن اراءنا و ليس اراء النظام الحاكم و نتمنى ان تظل هكذا و العدد الاسبوعى للجريدة يصدر يوم الجمعة من كل اسبوع و هو العدد المفضل للمصريين

  • abdelsalam elwi 3.0

    23rd December 2011

    الاهرام الجريدة القوميه طبعا من افضل الجرائد مستوى ولكن ليس مصداقية وذلك لانها تعتبر موجهه من النظام الحاكم ايا كان ولا اعرف لماذا. وتعتبر من المؤسسات اللى مفروض بتدخل دخل قومي للبلاد ولكن, المهم انها مميزه بكثرة ابوابها واختلافها وخبراتها السابقه وانا تجربتي معها انني اشتريها للوظائف طبعا معظم الشباب بيجبهوا علشان كده الصراحه وده اللى خلى كل الشركات تعلن فيها واحنا تبقى حاجه واحده نشتريها نلاقي فيها مرادنا وتتميز ان يتم نشر الوظائف داخل مصر وخارجها في بلاد الامارات والسعودية والكويت ولبنان وغيرها ولكن لها عيب ايضا مشهور وهي ان معظم كتابها ليس لهم مكتب داخل المؤسسه حيث لا تستيطيع الوصول للكاتب الا اذا كان مشهور.

  • muhammed ahmed 0.0

    11th December 2011

    ياااه جريدة الاهرام دي صوت مصر وواحدة من اعرق الصحف واقدمها في الوطن العربي وكانت صوت الشعب بس للأسف في السنوات الاخيرة دورها ضعف كتير وخسرت الكثير من محبيها ومن قراءها حينما غادرها كتابها العظماء اما لمشاكل مع الادارة او لمن وافتهم المنية ولكن تبقى جريدة الاهرام اكبر الصحف المصرية واكبرها انتشارا ولها ملحق اسبوعي خاص بالسيارات وبها اعلانات وظائف مبوبة قيمة جدا وبالرغم من ان اخبارها اصبحت ضعيفة وليس بها سبق الا انها لازالت وستظل صوت مصر والجريدة الرسمية الاولى في مصر وليس هذا كلاما عابثا انما هو قراءة لحقائق ونسب توزيع.

  • Mohammed Lasheen 0.0

    5th November 2011

    زماااان كانوا بيقولو ان اللي ميتكتبش في الاهرام انه مات يبقى لم يمت حتى ولو مات بالفعل, واللي يتكتب في الاهرام انه مات يبقى مات حتى لو كان حي يرزق، المثل ده بيضرب لتوضيح مدى مصداقية جريدة الاهرام في الاخبار اللي بتنشرها على مدار العصور اللي كانت فيها الجريدة هي الجريدة رقم واحد في مصر والمتحدث الرسمي باسم الحكومة. لكن مع صدور الصحف الاخرى واللي بدأت تفهم الناس انه يا جماعة مش كل اللي في الاهرام صدق ولازم يبقى واقع وكان اخرها الصورة التعبيرية اللي نشرها أ. أسامة سرايا وقلبت الدنيا في مصر كلها. الجريدة دلوقتي وتحت رئاسة تحرير عبد العظيم حماد ولبيب السباعي اصبحت اكثر جرأة وتعبيرا عن الواقع بدون تزييف او تجميل. الجريدة بحب دايما اجيبها يوم الجمعة عشان اعلانات الوظائف وعروض السوبر ماركت والملاحق الثقافية.

  • mohamed mahmoud 0.0

    28th October 2011

    بصراحه اختلفت كثير ما بعد الثورة من انها بقت اكثر مصداقية وتوسعت بشكل رهيب وايضا بقت محط انظار ناس كتير بعكس الجرائد الاخرى, وبتنزل اعداد مميزة وخاصة عدد الجمعه اللى بيبقى فيه عدد للسيارات واخر التحديثات فى هذا العالم وايضا عدد الجمعه وده نسخه مخصصوه بتنزل يوم الجمعه بس, وايضا الجريده بتعتبر ملاذ لكل الناس يعنى عاوز اعلان وظيفه او بيع او شراء عقار بيبقى فيها بصراحه بتبقى كل يوم موسوعه لجميع اخبار العالم فعلا جريده تستحق القراءة، الاعلان صحيح فى الجريده لتسع كلمات ب350 ج وفروع مكاتبها منتشره فى كل حته علشان تسجل اعلانك وتنشره فى الجريده.

  • Ahmed Elhemaly 0.0

    27th October 2011

    جريدة الاهرام هى جريدة رسمية شهيرة جدا ولها شعبية ممتازة ومن اكثر الجرائد مبيعا فى السوق المصرى لذا فهى تستحق كل التقدير والشكر لتغطيتها المميزة لكل الاخبار التى تحدث على الساحة المصرية والعربية والعالمية لكن انا فى نظرى اعيب عليها فى شئ واحد وهو ان الجريدة كانت تساير النظام السابق وده ما كانش المفروش يحصل لان الاعلام لازم يكون حر ويقول كل شئ بصراحة لانه مرآة الحقيقة لكن الحمد لله ده اتغير بعد الثورة ثورة الخامس والعشرين من يناير الثورة اللى غيرت شكل مصر ورجعتها للشكل اللى المفروض انها تكون عليه.

  • mark kamel 5.0

    27th October 2011

    جريده الاهرام جريده غنيه عن التعريف طبعآ لأنها جريده تاريخ طويل فى مصر لقد كانت على مر السنوات هذه الجريده هى الجريده التى فعلآ تثق فى اخبارها بنسبه 100% تتناول الاحداث بكل موضوعيه دون تحيز لأى شخص أو أى مؤسسه يعمل بها مجموعه من المحررين والصحفيين على اعلى مستوى من الكفائه المهنيه استطاعوا أن ينقشوا فى قلوب كل مصرى بكتاباتهم واعمالهم متنوعه لتغطى جميع الجوانب سياسيآ حوادث اقتصاد ورياضه وغيرها الجريده متميزه بكل المقاييس وتنال اقبال كبير من القراء العاشقين لها وايضآ الموقع الألكترونى للجريده متميز جدآ مصمم بطريقه جميله وسهوله فى التحرك بين صفحاته جريده تستحق التقدير والأحترام بكل القائمين عليها .

  • marium mohamed 5.0

    23rd October 2011

    Al Ahram you are the most respected newspaper in Egypt. I love your policy and your way of covering the news from all sides, you are so objective in presenting the information to the reader giving him the space to form his own opinion about what happened. You also give people the chance to defend themselves and to express their opinion either in letters to the editor or on their website or the Facebook page.

  • simo gano 0.0

    21st October 2011

    جريدة لها اسمها وتاريخها المشرف ليها طااقم عمل رائع كلنا بنثق فيه قايم بشغله علي اكمل وجه. جريدة فعلا رائعة بيحتاجها كل بيت ومن اكتر الجرائد الي الواحد بيقرا كلامها وهو مغمض بنعرف به الاخبار اول باول وكمان بنحتاجه اوي لو حد عايز وظيفة، اعلاناته موثوق فيها وكمان سعر الجرنان رخيص اوي وكمان ممكن نقراه عالموقع علي طول نسخة pdf يعني. وانت عالنت ممكن تعرف الاخبار عن طريقه كانك شريته وكمان جودته عالية اوي وممكن تطبعه كمان حاجة رائعة. لا وكمان ممكن تشترك معاهم اشتراك شهري ان الجرنان يجيلك لحد البيت، الخدمة الي مش كتيير بيعملوها.

  • mohamed abdel rashid 4.0

    10th July 2010

    تأسست جريدة الاهرام عام 1875 و اصدر اول عدد عام 1876 على يد سليم وبشارة تقلا و تعتبر من اعرق الجرائد المصرية تصدر يوميا تبلغ حوالى 48 صفحة و العدد الاسبوعى يوم الجمعة حوالى 72 صفحة بالأضافة الى ان العدد الاسبوعى يحتوى على عدد من الملاحق مثل ملحق السيارت لمتابعى اخر اخبار السيارات و المعارض المقامة الخاصة بالسيارات كما ان العدد الاسبوعى يجذب القراء بالأخص شباب الخريجين لما يحتويه من عدد كبير من الوظائف الخالية. كم ان العدد يحتوى على بريد الجمعة و السعر جنيه و نصف فقط . اما عن ايام الاسبوع الباقية فتصدر عدد من الملاحق الخاصة بـ العقارات و الصحة و ملحق على الهوا خاص بالتلفزيون. و يحتوى العدد على اخبار الرياضة و الاقتصاد و الاخبار الداخلية و العالمية و اخبار الحوادث و عدد يوم السبت خاص للطلبة بيقدم ملحق تعليمى و سعر الجريدة جنيه واحد. و تتبع الجريدة لـ مؤسسة الاهرام. البعض يهاجم الجريدة لكثرة الاعلانات لكن لو نظرت الى تكليف إصدار الجريدة ستجده مكلف جدا.

ارسل رسالة إلى جريدة الاهرام للحصول على المزيد من المعلومات

جميع الحقوق محفوظة © 2021 يلوبيدجز مصر المحدودة