اضف شركتك مجانا

مزدحم جداً
مزدحم
معقول
رائع
الطريق
ش حديقة الزهرية, الجزيرة, الزمالك, القاهرة خلف النادى الاهلي 4.2
اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.2 based on 46 reviews

التقييمات والتعليقات
  • mohamed elshazly 5.0

    19th January 2012

    ana mareh rooo7 borg el kaherah we kan 7loo awy 2ol lma tshofo te7yboo 3lashan hoa kbeer we moslyy we momtee3 we ba3d kdah da5ltoo ma3 ahly we kan toyyl 3lshan netla3 ly fo2 we enta tale3 fy mta3ed we coffe kteer we slalem tetl3haa we asnsyrat tetl3ha bardoo we lma tkoon nege7t we tele3 el hooa btkoon gamed awy we btshoof masr kolha men foo2 we nady el gzerah ely gambooh we bytshof el ahramat el tlatah we el nile we betshoof el kaherah kolha mnorah we fy menzaar momken teshoof btak feen bylzabt 3lshan kdh hoa momtee3 awy

  • Ahmad Ali 4.0

    6th January 2012

    من معالم القاهره و يستحق الزباره فهو مكان رائع و ممتع خصوصا اذا كنت تعشق الارتفاعات :) يتكون من 16 طابقاً وسعر التذكره للمصريين هي 20 جنيه اما للاجانب فهي 60 جنيه ! عندما تصل الى القمة تستطيع ان ترى معالم كثيره مثل الأهرامات ،أبي الهول، النيل، قلعة صلاح الدين،و الأزهر. يمكن للأسرة أن تتناول الطعام في أحد مطاعم البرج ففي الطابق 14 يوجد المطعم الدائري والذي يدور لترى القاهرة و تستمتع مع عائلتك وتتناول الطعام حيث الخدمه ممتازه و الاسعار مرتفعه نسبيا، أيضاً يوجد في الطابق الـ15 كافتريا تستطيع أن تتناول فيها العصائر والمشروبات وأن تستمتع برؤية القاهرة من أعلى. وقد اضيف اليه بعض التجديدات مؤخرا .

  • Mohamed Elhusieny 4.0

    2nd January 2012

    السلام عليكم ورحمه الله وبركاتة برج القاهرة بصراحة مش محتاج نقاش علية وعلى الاهتمام اللى فية وهوة مكان هايل جدا ومن خلالة بصراحة تقدر تشوف مصر كلها وتقدر تسمتع بالهواء الطلق الممتاز من على قمه برج القاهرة بس المشكلة الوحيدة فى المكان دة ان تذكرته غالية جدا ودة العيب الوحيد وانا اتمنى ان يتعمل تخفيض حتى للمصريين .. لكن هو بصراحة مكان روعة وكمان فى باركينج كبير للسيارات وكمان فى مطاعم ممتازة جدا والاكل فيه هايل وبيتحضر بطرق ممتازة بس بردو المشكلة هناك ان المطاعم غالية شوية هناك بردوة لكن بيحضروا اكل هايل.

  • Ahmed Emad 0.0

    30th December 2011

    برج القاهرة من اهم و اشهر المعالم السياحية فى مصر و فى القاهرة تحديدا و هى من من المعالم الحديثة فى القاهرة , برج القاهرة ابتدى بناوءه سنة 1956 و انتهى بناوءه فى عام 1961 و ده تم فى عهد الرئيس العظيم الراحل جمال عبد الناصر من فوق البرج تقدر توف القاهرة كلها حتى بعد بناء الابراج ذات الارتفاع الكبير لكن بردو لسه لغاية دلوقتى المنظر من فوق البرج يخليك تشوف القاهرة كلها و ده نظرا لارتفاعه الشاهق و اللى بيبلغ 187 متراً و هوا يعتبر اعلى مبنى فى مصر حتى اعلى من الهرم الاكبر فى الجيزة بصراحة البرج متعة كبيرة جدا و الهواء فوق بيبقى منعش لازم تروح هناك لو لسه مروحتش البرج

  • ahmed abdeldayem 0.0

    28th December 2011

    طبعا برج القاهرة مش محتاج لكلام لان اللى مرحش برج القاهرة وهو من سكان القاهرة اعتقد انه فاته كتير قوى من انه يشوف احلى واجمل مكان ممكن يشوفه فى حياته كلها. طبعا انا روحته كتير قوى لما كنت صغير مع والدى واسرتى الجميلة وكنت دايما انا واخواتى بنحب نروحه كتير جدا وكان دايما والدى لما بيحب يخرجنا كنا دايما مش بنحب نروح غيره بس طبعا دلوقتى البرج اختلف تماما بس طبعا للافضل وبجد ياجماعة اللى لسة مارحش البرج يروحه من دلوقتى حيلاقى حاجة جامدة جدا وهى المطعم الدوار ومتخافوش مش هدوخوا ولا حاجة بس بجد فكرة المطعم دى جامدة جدا.

  • Mohamed Rezq 4.0

    26th December 2011

    المكان ده من معالم مصر اللي صعب انك تلاقي سائح زار مصر ومطلعش البرج وبصراحه البرج للي عايز يطلعه نصيحه من مجرب اطلع بالنهار لانك بالليل مش هتشوف كويس لانه في موقع مميز في الزمالك ومن فوق تقدر تشوف معظم مناطق القاهره والجيزه من خلال المنظار بشكل جيد طبعا من اجمل اللحظات هي وانت طالع البرج بالاسانسير السريع وبتاخد وقت عقبال ما توصل تحس انك في رحله ولما توصل السطح تقدر تشوف النادي الاهلي بكل اجزائه والاوبرا كمان لانهم اقرب شيء للبرج وتحت السطح بطابقين تلاقي المطعم الدائري ويا سلام على وجبة غدا في اعالي السماء وبعديها الحلو والعصير

  • Alaa Omar 0.0

    23rd December 2011

    برج القاهرة دة انا روحته كتير من ساعة لما كنت صغير وانا كنت بروحه مع العيلة بس كنت بخاف جدا اقرب من طرف البرج او ابص لتحت لانى كنت بخاف يغمى عليا بس بعد لما كبرت بقيت بحب جدا انى ابص من فوق علشان اشوف الارتفاع بتاعه وكمان المنظار هناك حلو اوى ولازم تجربه وكمان فى هناك راجل بيكتب اسمك بالحروف الهيروغليفية على ورق بردى بصراحة بتبقى تذكار حلو اوى. بس نصيحة بلاش تروح البرج فى الشتاء او على الاقل لو عايز تروح يبقى لازم تعمل حسابك فى هدوم تقيلة وكمان يكون معاك جوانتى لانى رحت فى يوم فى الشتاء وقعدت طول الوقت فوق ايدى تلج.

  • kiko elwany 0.0

    15th December 2011

    من احسن المعالم السياحيه فى مصر والشرق الاوسط وكمان بينشط السياحه عندنا بشكل غير عادي بييجوا من اخر الدنيا عشان يشوفوا البرج ده في ايه.

  • Mohammed Lasheen 0.0

    13th December 2011

    عمري ما دخلت برج القاهرة. بس الحقيقة كل يوم اعدي عليه وانا ماشي فوق كوبري اكتوبر وافضل ادعي للي بنى الصرح العظيم ده. البرج خد فلوسه الريس عبد الناصر من امريكا وكانوا 6 مليون جنيه مصري بيقال انه كان للضغط على مصر تقبل بحاجات امريكا عاوزاها في المنطقة والريس مقبلش ابدا انه ياخدها في جيبه وقرر يعمل بيها الصرح الكبير ده. ليا اصحاب كتير دخلوه ويرجعو يحكو لي عن اللي شافوه جوه والاسانسيرات اللي بتاخدك فوق لاعلى مكان في مصر كلها. في مطعم بيلف كمان فوق والاسعار فيه تحفة يعني تتغدى انت وخطيبتك هناك في حدود 150 جنيه.

  • muhammed ahmed 0.0

    12th December 2011

    برج القاهرة ده واحد من اعظم معالم مصر التاريخية واللي بيشهد على تاريخ مصر واللي بيرسملك صورة بانورامية رائعة عن القاهرة وعن تطويرها والبرج ده من فوق بتشوف اماكن كتير اوي وبتشوف القاهرة كلها وارتفاعه حوالي 190 متر تقريبا يعني حوالي 60 دور والبرج من فترة قريبة حصل فيه تطوير شامل في شكله وفي الجولات اللي فيه وحتى في سعر الذكرة واول ما هتروح هناك هتتخض لما تلاقى سعر التذكرة 70 جنيه بس هتعرف بعد كده ان السعر ده لغير المصريين انما المصريين ب 20 جنية ومن اجمل الحاجات الموجودة هناك المطعم الدوار اللي بيلف بيك وانت قاعد فيه ويفرجك على القاهرة كلها وانت بتتمتع بطعم الاكل.

  • mohamed mahmoud 0.0

    10th November 2011

    من الأماكن السياحيه الرائعه فى مصر ويعتبر رمز من رموز الدولة ونهضتها وكفاية انه تراث عظيم من قائد عظيم زى جمال عبد الناصر رحمه الله البرج طبعا انا روحته قبل التجديد وبعد التجديد عاوز اقول ان بعد التجديد بقى تحفه معمارية من جوه وكفاية التجديدات اللى حصلت على المطاعم فوق والأضاءه اللى بقت على البرج اللى بتتغير شكل دورى بقت حاجه رائعه الجمال وتحس انه بينور مصر كلها وكفاية انك لما بتطلع فوق بتشوف المحروسة بكامل رونقها وجمال بيوتها منظر لا ينسى ولن تشاهده فى مكان اخر غير فى برج القاهرة وفوق فيه المطعم الدائرى او مطعم360 وفيهVIP وفيع الكافيه جاردن وكلهم حاجه على اعلى مستوى بس الاسعار عاليه وعلى اعلى مستوى برده :).

  • simo gano 0.0

    1st November 2011

    برج القاهرة من احلي معالم في القاهرة بصراحة حاجة رائعة من برا وجوا يعني من برا شكل البرج حاجة خرافية خاصة بعد التعديلات بالذات بليل مع الاضواء اللي محطوطة عليه اللي بتلفت انتباهنا كل منعدي عليه ومن حاجة حاجة فوق الخيال كانك داخل عالم تاني اولا هي التذكرة فيه ب 25 للمصري وللاجنبي 75 وده طبعا غالي مقارنة للي هتدفعة جوا كمان في اي مطعم، موجود فيه 3 مطاعم اشهرهم طبعا المطعم الدوار اللي بتشوف بيه القاهرة وانت قاعد عشان بيلف بيك لفة لذيذة جدا هتستمع بيها عشان ده ميزة فيه عشان مش موجودة الا في المطعم ده بس حاجة تجديد ده غير ان الاكل اللي في المطعم ده تحفة جدا.

  • احمد الشرقاوى 0.0

    16th February 2011

    بصراحه انا عن نفسى بعتبر برج القاهره حصن من حصون مصر لانه من اهم المعالم اللى فى مصر وبعدين المنظر من فوق بيحسسك بجمال مصر وروعتها لانها من فوق احسن من دول اوروبيه. مش لازم تكون البلد كلها مرتفعات لا دى لما تكون البيوت مش عاليه احسن. انا نفسى يفضل برج القاهره لحد نهاية الدنيا بس ربنا يستر ويحفظهولنا ويحفظه لمصر لانه من مصادر الدخل لمصر وخصوصا انه الافواج السياحيه كلها بتطلب انها تروح برج القاهره علشان تشوف شوارع مصر من فوق وتشوف روعة مصر وجمال ام الدنيا. لازم نزور البرج ده كلنا علشان نحس بقيمته اكتر يا ريت نكون افواج ونزوره ونعمل رحلات مدرسيه ليه.

  • sherif samy 5.0

    1st August 2010

    البرج يا جماعة انا عارف انة مش محتاج كلام بس انا عايز اقول اللى انا شوفتة عشان لو حد حب يا خد فكرة قبل اما يروح، المكان الجميل دة اللى مينفعش حد يقول علية انة حلو جدا انت هتدفع عشرين جنية تحت عشان تطلع و بعدين تدخل عندك اما المطعم الدوار او تقعد فى الكافية او تطلع فوق تتفرج على المنظر من فوق او يعتبر على مصر كلها، المنظر من فوق تحفة و بعدين ممكن كمان تتفرج من التليسكوب هو بفلوس بس مش كتير ويستاهل انك تدفع عشان تتفرج منة. و المطعم بقى حكاية هو اة غالى بس المكان فظيع انت قاعد بتاكل و المكان بيلف بيك يا حلو اوى، و كمان ياسلام لو انت روحت باليل احلى و احلى و فى هدوء مش هتلاقية فى اى حتة تانية وبعدين بردة ممكن تقعد فى الكافية هناك برضوا دة مكان جميل ياريت اللى عايز يغير جو يروح هناك.

  • Rowayda Osama 5.0

    3rd July 2010

    برج القاهرة يعتبر واحد من اجمد الاماكن اللى ممكن تخرج انت وصحابك فيها بالزات بعد اخر تجديدات للبرج. بقى تحفة رائعة. انا رحته بعد ماتوضب مرتيين وفى المرتين انبصت اوى اوى. المكان هناك بقى رائع وبقيت مطاعمه وكافتيرياته رائعة. اول ماتدخل من على الباب هتلاقى فيلا زمالك وهو عبارة عن كافيه اوبن اير جميل اوى يوجد به اكثر من شاشة تليفزيون واعدته لطيفة اوى لو كان الجو مش حر. غير فيلا زمالك هتلاقى ثلاث مطاعم اخرى بس دول داخل البرج نفسه, هتلاقى مطعم ال VIP وهو مطعم فاخر اوى وتربيزاتة بتحسها منفصلة يعنى هتحصل على خصوصيتك وانت قاعد. هنلاقى كمان المطعم الدوار الرائع اللى تقدر تستمتع وانت قاعد تاكل بالمناظر المختلفة للقاهرة منه لانة بيلف فتقدر تشوف كل الزوايا وكل معالم القاهرة واخيرا مطعم السكاى جاردن. غير المطاعم ممكن تطلع فوق فى البرج وتشوف المنظر عامل ازاى من فوق وتقدر تتفرج على القاهرة بالتليسكوب اللى حطينة فى انحاء البرج. من الاخر البرج بعد التجديدات الاخيرة اصبح رائع مكان ممتع للخروج بس لازم تكون عامل حسابك على مبلغ حلو.

  • Sameh Samir 5.0

    3rd July 2010

    منذ اللحظة الاولى عند دخولى للبرج ادركت ان هناك فرق بين البرج الان والبرج منذ 10 سنوات مضت عند زيارتى الاولى. فالبرج قبل التطوير والتحديث ماهو الا مزار سياحى تاتى اليه لتنظر لترى القاهرة من الاعلى، ولكن الان المعنى مختلف حيث يمكنك الذهاب الى البرج لترى القاهرة من كل النواحى والاتجاهات بوضوح، مع تناول افخر واشهى انواع الطعام وذلك فى المطعم الدوار او يمكن تناول الطعام فى مطعم كبار الشخصيات، واذا اردت ان تتناول طعام خفيف والاستمتاع بالمشروبات والشيشة العربية ومشاهدة شاشات العرض التى تملاء المكان من كل الاتجاهات فعليك بحديقة الزمالك حيث الهواء الطلق والمكان المفتوح فى سهرات الصيف الجميلة. المكان جميل ومبهر ومؤمن جيدا وكل العاملين حولك يبتسمون ولا ينتظرون منك مقابل هذا. البرج الان يعيش فى ازهى عصر له منذ انشائه فتحية لكل العاملين به والقائمين على ادارته.

  • Ahmed Abdel Tawab 4.0

    1st July 2010

    انا رحت البرج مرتين خلال السنة دى لكنى رحت هناك مرة من زمان اوى يمكن من اكتر من 20 سنة الحقيقة القصة اختلفت تماما بعد التجديد اللى عملوه فيه المطعم الدوار فكرة كانت هايلة لانك و انت بتاكل على كرسيك تقدر تشوف القاهرة كلها من كل الزوايا و طبعا الدوران مش سريع خالص علشان ماحدش يفتكر انه بيدوخ تقريبا اللفة كاملة بتاخد حوالى ساعة كمان الاكل حلو جدا هو ممكن يكون غالى شويه لكن نظرا للمكان و الخدمة المتميزة ونوعيات و جودة الاكل يبقى سعره مش غالى خالص ده طبعا بالاضافة الى انك ممكن بعد ما تخلص الاكل تطلع فوق و تشوف القاهرة كلها من فوق و تقدر تستخدم المناظير الموجودة علشان تشوف بشكل احسن انا عايز اروح هناك تانى

  • wafaa El Sayed 4.0

    29th June 2010

    Cairo tower: whenever i passed by the cairo tower while i am on the 6th of october bridge, I always liked the new lights on the tower, it gave it a glamorous look at night. When i went there after the renovation I was amazed by the cleanness of it and its better service. The revolving restaurant there is more than amazing, the food is nice and the view is spectacular. It is very suitable for couples. But the problem is that there are only two elevators for the whole tower which is very weird because you have to stay in a long cue to get there and there is always a problem with parking. but other than that it was a very nice visit.

  • karim mohamed 2.0

    26th June 2010

    ايه الجمال دا شكلو بقى تحفة بعد التجديد الاخير دة بجانب المطاعم بردوا اللى بقت هناك انا بجد ببقى مبسوط كل لما بكون هناك بس انا كان نفسى تكون بخمسة جنيه (بس كده معقول) علشان كل المصريين واولادهم كمان يروحوا البرج بلاش خلوا حتى فئات مثلا بنظام معين يخلى كل الناس تروح البرج .المطاعم اللى هناك تحفة بس الخدمة مش كويسة اوى الناس بتتاخر فى انهم يجيبو الاكل كمان الفوط مش كلها نظيفة

  • Fady George 0.0

    26th June 2010

    انا روحت اول الشهر ده وكان يوم جميل جدا جدا في اول اليوم لاقيت مشكله كبيرة في الباركينج اجبرت اني اركن في مكان بعيد عنه شويه حوالي 5 دقائق مشي قلت ان من اولها كده بس لما روحت قاعدت شويه في حديقه فيلا الزمالك شربت عصير وطلعت بعد كده طلعت المطعم الدوار تحفة بجد تبقي قاعد وتلاقي الترابيزه بتلف بيك وتشوف مناظر جبارة شكل الفيو من فوق جامد جامد محتاج انك تروح. الاكل كان ممتاز ومستوي بس الكمية قليله شويه وياريت كمان تجرب مطعم ال في اي بي تحفة بجد في مصر اماكن حلوة جدا جدا واحنا مش بنروحها مع ان الاجانب بيجوا من اخر الدنيا علشان يزوروا الاماكن دي

  • mai talaat 5.0

    24th June 2010

    المكان حلو قوى اول ما تدخله تحس فعلا بعظمه وحضاره البلد اللى احنا فيها المنظر من فوق فعلا رهيب مريح جدا للاعصاب وسبحان الله انا بخاف جدامن الاماكن العاليه لكن هناك محستش بكده خالص مصر من فوق جميله قوى ولا تحس بزحمه ولا ازمه مرور ولا اى حاجه تحس كانك بتتفرج على لوحه متحركه وبالنسبه للمطاعم المطعم الدوار هايل جدا واحلى حاجه فيه بصرف النظر عن الاكل المتميز طبعا الخدمه هناك الاستف كله فوق الممتاز زوق جدا ومتميزين قوى واسعاره مش عاليه مقارنه بالمكان طبعا وعراقته

  • manar mohamed zaglol 0.0

    23rd June 2010

    مطعم جيد جدا والخدمة عالية وانا بحب اروحة واتمتع بالجو والمنظر الجميل لان البرج من الاثار الجميلة والرائعة والانسان لابد وان يفكر كيف تم بناءة.

  • Lars Mourey 3.0

    22nd June 2010

    Cairo Tower has recently undergone a big renovation and now feature several restaurants include a 360 degree revolving restaurant with the highest view point in Cairo. To enter the 360 revolving restaurant you must buy an entrance ticket which for foreigners cost LE 50 (I think they should deduct the LE 50 from your food bill but currently this is not the case). You can however also go to another restaurant which is the one I have eaten at a few times called the VIP restaurant. The VIP restaurant is not quite as high up as the revolving (you still have a great view of all of Cairo though) and it doesn't revolve but I feel the seating and atmosphere is nicer. For the VIP there is a separate elevator on the right and you dont need a ticket to enter. The food is good and the service is very attentive. Prices are steep tough and in my opinion too high for the quality of the food. Expect to pay the same as for example The Four Seasons. However the view is breathtaking and really makes you realize just how big Cairo really is. There is also a cafe at the bottom called Villa Zamalek and it is a cozy place to sit and have some coffee and just sit and relax. Biggest plus though is the view from the top of the tower. Enjoy.

  • Khaled Ahmed 0.0

    22nd June 2010

    انا بصراحة لم اذهب الى البرج قبل تجديده علشان أعرف الفرق بس بجد هو مكان وهمى وخصوصا منظر القاهرة من فوق، انا كمان اكلت فى المطعم الدوار ومطعم الVIP بس فعلا مطعم الVIP أحسن بكتييييير علشان اوسع والخدمة فيه أحسن. بس فى مشكلة فى الأسانسير وخصوصا فى الزحمة، بيمر وقت كبير فى انتظاره. بس على كل حال هو فعلا مكان جميل.

  • In Egypt Adonis 5.0

    22nd June 2010

    The Cairo Tower is one of the few spots in Cairo where you can have a great view for Cairo from the top. You get a birds-eye view of all the major landmarks and you can finally orient yourself. It is 43 metres higher than the Great Pyramid of Giza!

  • Ahmed ElGohary Elgohary 4.0

    19th June 2010

    للرد علي aliaa Fathy ........ في هناك اسعار معقولة يعني في قسم الطلبات الرئيسية في كذا وجبة بتبداء من 75 جنيه و اخرها 135 يعني طبق البانيه ب 75 و في طبق بــ 95 وده اسكالوب بانية تقريبا وبالنسبة للمقبلات في تبولة هناك كويسة تقريبا ب 25 جنية و المشروبات نفس الحدود يعني ممكن تتغدي هناك لفردين في حدود 380 جنيه و ممكن اقل .

  • Manar El Kady 4.0

    18th June 2010

    طبعا المنظر من فوق في غاية الجمال وخصوصا وقت الغروب واحلى مطعم عجبني فيه هو المطعم الدوار بجد حلو اوي والاكل حلو جدا ولكن الاسعار غالية نوعا ما وليست في متناول جميع الفئات مع ان البرج هو اثر من اثار مصر ويجب ان يكون زيارته والتمتع به من حق الجميع وفي متناول كل الفئات وكذلك تذكرة الدخول اصببحت غالية فقيمتها عشرون جنيها اي انه لو هناك اسرة مكونة من خمس اشخاص فسيقومون بدفع مائة جنيه فقط ليصعدوا ويروا المنظر! فاعتقد انه لا يمكن لكل الناس الذهاب هناك والتمتع به

  • medo medo 0.0

    16th June 2010

    انا اول مره في حياتي اروح فيها البرج كان عن طريق عزومه الشركه لينا هناك بجد المكان اكثر من رائع من ساعه ما توصل ممكن تتصور بجانب البرج في هناك حد متخصص ممكن يصورك انت والبرج جنب بعض لانه معاه كاميرا متخصصه جدا في كده و المطعم الدوار مكان جميل جدا للعشاء و انت بتاكل المطعم بيدور بيك تقدر تشوف معالم القاهره من فوق و الاكل كمان كان كويس اوي خاصه الطبق الرئيسي و المقبلات بس الحاجه اللي ممكن تكون مش كويسه هناك هو الزحمه علي الاسانسير و الزحمه و انت بتطلع علشان تشوف القاهره بالميكروسكوب و المكان فوق ضيق جدا بس عموما هو مكان حلو اوي للخروج و بالزات ساعه غروب الشمس

  • Amged Malak 0.0

    15th June 2010

    المكان تحفة جدا وكمان هادى اوى فى المطعم الدائر ومستوى الخدمة ممتاز والاكل ممتاز الشيف هناك اكلة تحفة والاسعار متوسطة بالنسبة للمكان لانك تقدر تشوف القاهرة كلها وانت بتاكل فى خلال ساعة ونص. وكمان قبل دخولك المطعم ممكن تتفرج على اجمل منظر للقاهرة من فوق البرج. بجد انا استمتعت هناك.

  • sarah magdy 0.0

    15th June 2010

    هو المكان فعلا عجبنى كنت فكرااه مكان تقليدى بس فعلا المنظر من فووق حاجة تانية خالص ... مش محتاجين نتكلم عليه عشان خصوصية المكان .. متهيألى مفيش حاجة زى دى تانى ف مصر .. بس كان نفسى ادخل المطعم الدواار ده ..

  • mohamed youssef 0.0

    9th June 2010

    فعلا المكان رائع والخدمة ممتازة و لكن هذا المكان يحتاج الى باركينج سيارات كبير خاص به خصوصا ان الباركينج الوحيد هناك خاص بنادى الشرطة

  • Nader Atwa 0.0

    9th June 2010

    المطعم الدوار وهمى واكله حلو جدا

  • ahmed abady 0.0

    8th June 2010

    مشاهد رائعه ومطعم جيد

  • marwa saad 0.0

    8th June 2010

    الأكل حلو جدا وطريقة تقديم الأكل جيدة بس ممكن نقول أن كمية الأكل صغيرة شوية بس الفيو فعلا جميل جدا

  • ehab hanna 0.0

    8th June 2010

    المكان جميل والمطاعم اكلها كويس بس يا ريت يتوفر جراج كبير للعربيات

  • Ahmed ElGohary Elgohary 4.0

    7th June 2010

    التليسكوب بــ 2 لمدة 3 دقائق وفي واحد جانبة ممكن لو عايز عملة الي جامد كمان انك ممكن تاخد صورة هناك و تتحت علي ورق بردي و فيه تحليل شخصيتك و كمان اسمك بالهيروغليفي وكل ده بـ 20 جنيه بس

  • Mohamed Hashim 0.0

    7th June 2010

    انا رحت برج القاهرة من فترة قصيرة وهو عبارة عن 60 دور ويوجد بأعلاة مطعم دائري رائع واكلة جميل جدا وسعر الدخول 20 جنية للفرد في المطعم بس الأكل في حدود 100 : 150 جنية للفرد.أما بالنسبة للتليسكوب هو بجنية واحد تقدر تشوف لمدة دقيقتين.

  • aliaa Fathy 0.0

    7th June 2010

    يعني اسعاره في حدود كام؟ عشان تقعد و تطلب مقبلات و طبق رئيسي و حلو يدخلوا في كام بالظبط؟

  • Manar El Kady 4.0

    7th June 2010

    طبعا المنظر من فوق جامد اوي وخصوصا وقت الغروب واحلى مطعم عجبني فيه هو المطعم الدوار بجد حلو اوي والاكل حلو برضو بس الاسعار غالية

  • Mohammed Nasser 0.0

    3rd June 2010

    تمام هو فعلاً الفلوس أللى أتبنى بيها البرج كانت معونة من أمريكا للضغط على موقف جمال عبد الناصر المؤيد للجزائر ضد الأحنلال الفرنسى فجمال عبد الناصر بنى بيها الربج الساسة الأمريكون أطلقوا على البرج شوكة عبد الناصر والمصريون أطلقوا «وقف روزفلت منقول من كتاب المؤرخ جمال حماد

  • Mohammed Diab 0.0

    1st June 2010

    قصه انشاء البرج حلوه اوي بجد , اللي اعرفه ان ايام عبد الناصر امريكا بعتت لمصر معونه فهو حس انها حاجه عيب و مرضاش بيها خالص فاطلب ساعتها انه كل فلوس المعونه يتعمل بيها رمز لكرامه كل المصريين فاتعمل البرج ده

  • محمد جمال 0.0

    1st June 2010

    هما بيقولو ان طول البرج 187 متر يعنى تقريباً 55 أو 60 دور و ده طبعاً ارتفاع عالى جداً لو عرفنا ان ارتفاع هرم خوفو 138 متر تقريباً

  • ابراهيم المنوفي 0.0

    1st June 2010

    تقريبا عدد الأدوار 15، انا مش متأكدة.... ولا زم يكون معاك جنيهات قروش علشان تعرف تستخدم التليسكوب!

  • Ahlaaaaawy Gedaaaaaaan 0.0

    1st June 2010

    حد يعرف هو البرج كام دور؟ و أيه نظام التلسكوب ببلاش ولا بفلوس؟

  • Ahmed ElGohary Elgohary 4.0

    1st June 2010

    هو بس في تعليق البرج ب 20 جنيه للمصريين و المطعم جامد جدا و المنظر من التليسكوب روعة

  • محمد جمال 0.0

    31st May 2010

    طبعاً بعد التجديد بقى حاجة تانية خااااااالص أنا رحت ثلاث أماكن فى البرج: المطم الدوار: منظر رائع و أكل جيد... تجربة فريدة لابد منها... المطعم بيعمل دورة كاملة فى حوالى 45 دقيقة و ده كويس علشان مش بيدوخ... السعر معقول الكافية اللى فوق: ظريف ممكن تقعد تشرب فيه حاجة قبل العشاء مطعم VIP هو أفضل حاجة فى البرج... مش محتاج تيكتس علشان تطلع (للعلم التيكت للمصريين 25 و للأجانب 75) الأكل ممتاز مطبخ فرنسى... جربوا شربة السي فود جامدة أخر حاجة و الستيك... خدمة ممتازة... و أكيد بعد كل المزاية ديه لازم أقول أن المطعم غالى أخر حاجة برضوا.... بس هو مناسب للمناسبات الخاصة.... Annıversary, valentines, ….

ارسل رسالة إلى برج القاهرة للحصول على المزيد من المعلومات

جميع الحقوق محفوظة © 2021 يلوبيدجز مصر المحدودة