ايزى سبورتس

Mohamed Osman

انا زرت النادى وهو لسه فى البداية لكن بصراحة مستقبله حيكون جامد جدا، النادى بيتميز بجو جميل جدا نظرا لانه فى المقطم وفى مكان هادى وقريب من البلد فى نفس الوقت خمس دقائق من كارفور المعادى، خمس دقائق من السلاب. النادى موجود فيه حمام سباحة صغير بس جميل، جاكوزى والمطعم على حمام السباحة مباشرة ودى حاجة تخليك تستمتع بالاكل وانت مطمئن على اولادك وهما بيلعبوا قدامك، فى مكان رائع للاطفال موجود فيه ترامبولين ومراجيح وزحاليق ممتاز لسن من سنتين ونص وانت طالع، بس المميز اوى الملاعب هناك بجد كانت تحفة بس للاسف ماجربتهاش، زى ماقلت النادى لسه تحت الانشاء وبيتوسعوا حسب عدد الاعضاء، انا مش مشترك هناك بس عرفت ان الاشتراك ب 42000 جنيه وكان فى اوفر ب32000 وممكن تقسيط كمان لحد سنتين بدون فوائد، لكن بالنسبة للداى يوز اللى انا قضيته كان ممتع واتبسطنا جدا هناك، الاكل كان جامد جدا والخدمة هناك كانت محترمة وذوق بصراحة.