اضف شركتك مجانا

مزدحم جداً
مزدحم
معقول
رائع
الطريق
, ميدان التحرير, وسط البلد, القاهرة امام فندق النيل ريتز-كارلتون القاهرة 4.9
مغلق الآن. شاهد كل الساعات

الأحد

الاثنين

الثلاثاء

الأربعاء

الخميس

الجمعة

السبت

09:00 - 17:00

09:00 - 17:00

09:00 - 17:00

09:00 - 17:00

09:00 - 17:00

09:00 - 17:00

09:00 - 17:00

اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.9 based on 11 reviews

التقييمات والتعليقات
  • Mohamed Elhusieny 5.0

    1st January 2012

    اولا المتحف المصرى دة اساس من اساسيات دخل مصر لان تذاكرة فلوسها بتدخل فى خزائن الدولة والمتحف المصرى بصراحة بيقوم بزيادة الدخل القومى لمصر بطريقة ملحوظة جدا جدا ويتوافد علية السياح من جميع انحاء العالم لما مابداخلة من اثار رائعة تبهر من يشاهدها مثل تمثال توت عنخ أمون والكثير من التماثيل والاثار الرائعة والمتحف دة بصراحة مكان مميز جدا جدا فى مصر وسعر التذكرة بتاعته للفرد المصرى مش غالى وانا بنصح المصريين كلهم اللى ماراحهوش بصراحة انهم يروحو ويشوفو لانهم هاينبهرو بصراحة بالاثار الفرعونية الموجودة فية ومواعيد المتحف من الساعة 7 صباحا حتى الساعة 4 عصرا .

  • Ahmed Emad 0.0

    30th December 2011

    المتحف المصرى من اكبر المبانى الحديثة فى مصر و يضم مجموعة كبيرة جدا من القطع الاثرية الفرعونية المتحف ده بيجيله الناس من كل بقاع الارض عشان يتفرجوا على القطع الاثرية الفرعونية و على ابداع اجدادنا الفراعنة و زى ما احنا عارفين ان مصر فيها ثلثين الاثار الموجودة فى العالم كله و اللى جزء كبير منها موجود فى المتحف المصرى, المعروض من القطع الاثرية بداخل المتحف اقل كثيرا من الاثار الموجود على الرفوف فى المخازن و اللى لم يتم الاستفادة بها بعد لذلك تم التفكير فى انشاء المتحف المصرى الكبير ليستوعب هذا العدد الضخم من القطع الاثرية و يتم عرضها على الجماهير.

  • hisham mostafa 0.0

    24th December 2011

    المتحف المصرى رحتة طبعا كتير جدا وانا بعمل المشاريع الخاصة بالكلية لدراسة ورسم التماثيل الفرعونية الجميلة المتحف شامل معلومات كثيرة عن ملوك والاسر الفرعونية المتعاقبة و يوجد نظام حديث لشرح هذة المعلومات للسائح عن طريق جهاز صغير يستمع لة السائح بجانب المرشد السياحى ويوجد الان العديد من الاكتشافات فى الحجرات بالدور الاول واجمل جزء فية حجرة الملك توت عنخ امون بالقناع الذهبى تحفة فنية بكل المقاييس ومجموعة التوابيت الخاصة بة وايضا حجرة المومياوات من اجمل الاجزاء فى المتحف ويمنع التصوير بفلاش داخل المتحف

  • Alaa Omar 0.0

    23rd December 2011

    مين فينا مرحش المتحف المصرى يبقى انت لسة متعرفش عن الحضارة الفرعونية اى حاجة. لو عايز توصل للمتحف اركب المترو لانه افضل وسيلة مواصلات فى وسط البلد وبعدين انزل محطة التحرير اللى هى محطة انور السادات واخرج من اى مخرج ولما تخرج اسأل فين المتحف المصرى والناس هتشاورلك عليه. لما تروح هناك هيشدك منظر المكان من جوة لانه تحس كأنك داخل فى فترة زمنية غير الفترة الزمنية اللى انت عايش فيها ومنظر المومياء والتماثيل يشدك بصراحة لدرجة انك تبقى مش عايز تخرج من المتحف. نصيحة بلاش تحاول تصور حاجة لانه التصوير ممنوع جوة.

  • pola adel 5.0

    11th December 2011

    from the places that you shall see .. if you were a toursit or already an egyptian citizen .. !! this wonderful treasure that we have on our country ... i visited it from 4 years ... but i didn't forget anything i saw in it .. !! Egyptian Museum situated in El Tahrir Square ... which was the witness of our great 25 january revolution .. in Egyptian Museum you will see Tutankhamon treasures. ,,monuments of the old and Modern Kingdom.... u will also see hall for the royal mummies ... while at the ground floor there are the huge statues and the mummies... if u want to really know why our old egyptians were great !!! .. go to the Egyptian Museum

  • simo gano 0.0

    29th October 2011

    المتحف المصري من اكتر الاماكن روعة من كل حاجة من تاريخه او للي بيضمه او الديكور بتاعه بصراحة حاجة فوق الخيال فمن ناحية الديكور اللي مبني بفن ان النور اللي بداخله فهو نور طيبعي يدخله من الزجاج العلوي للمبني اما بقة تاريخه فهو مكان صاحب تاريخ مشرف حيث انه يضم تماثيل من قبل التاريخ الي تماثيل للعصور الوسطي والمتحف بيضم مجموعة كبيرة اوي من التماثيل زي تمثال الملك خوفو وتمثال الملك خفرع ومثال الملك منكاورع وكمان الملك أمنمحات الاول والتالت وتمثال حتشبسوت وتماثيل تانية كتير بس دول الي متذكراهم والمكان بصراحة محتاج ان باقي المصريين يروحوا ويشوفوا تاريخ مصر المشرف بجد.

  • marium mohamed 5.0

    26th October 2011

    بجد احلى مكان ممكن تروحه فى مصر. المتحف المصرى انا بحبه جدا بحب كل حاجة فيه من اول ما تدخل تلاقى تماثيل كبيرة اوى من الجرانيت موجودة فى حديقة المتحف حواليها زرع واشجار جميلة اوى والصور جمب التماثيل ديه جميلة جدا انا بصراحة اتصورت كتير اوى انا واصحابى بعدين لما تدخل جوه تلاقى سجاد يدوى فى منتهى الروعة من ايام الفرعنة. والمتحف من جوه مليان بالتماثيل الفرعونية الرائعة وكمان تماثيل تحفة من الجرانيت من العصر الرومانى. بجد احلى حاجة لازم تشوفوها هى قاعة توت عنخ آمون لأن ديه تحفة خاصة القناع الدهبى اكثر من رائع.

  • sondos gamal 5.0

    12th January 2011

    انا مدمنة زيارة المتحف المصرى وبعشق ميدان التحرير وايام الكلية لما كنت بروح مكتبة جوتة لازم أعدى على المتحف المصرى واللى هيروح اهم حاجة يشوفها قاعة توت عنخ آمون اللى كلها ذهب وروعة وغرفة المومياوات وغرفة تحنيط الحيوانات، ولازم برضه ماينساش التماثيل الخطيرة في الحديقة وأن يمر على تمثال الملك امنحتب الثالث وزوجته الملكة تى الجبار وأن يلتقط الصور ولكن خارج المتحف فقط حيث أن التصوير ممنوع فى الداخل فياريت نحترم دة لأن التصوير على المدى البعيد يفسد الآثار.

  • Ahmed Ashour 0.0

    4th January 2011

    زرت المتحف المصري مرتين في حياتي .. فعلا متحف جبار يحتوي على الكثير من الآثار .. لدرجة أني أحب أن أطلق عليها لقب المخزن المصري بسبب الكمية المهولة للآثار بداخله .. و يجتذب هذا المتحف الكثير من السياح .. لدرجة أنك قلما تجد مصريا يزور المتحف ..

  • Rehab Mohammed 5.0

    26th June 2010

    من اروع متاحف العالم على الاطلاق بكل مقتنياته الثمينه فيه حوالى 100.000 قطعه اثريه كلها من عصور مصر الفرعونيه اول ما تدخل المتحف تلاقى رمسيس فى وشك بيرحب بيك و حجر رشيد قدامك بيحكيلك اذاى اتفكت رموز اللغه المصريه القديمه. و اللى بيعجبنى كمان خريطه كبيرة اووى لكل مصر عشان فى ناس مساطيل بيجوا يزوروا مصر و مش عارفين موقعها ايه او بتطل على بحر ايه .الدور الثانى هو الخلاصه من كنوز الملك الشاب توت عنخ امون و تشوف دقة و مهارة الصناعات المصريه القديمه فى صناعه السراير و المراكب الشمسيه. هناك حوالى 1500 قطعه للملك توت و كلها مصريه مش made in china حقيقى يا خسارة علينا دلوقتى مش عارفين نصنع استيكه حتى و نستوردها من بره. اللى بيخاف ميدخلش صاله المومياوات لان شكلهم مرعب اووى بس بجد شئ مزهل انك تشوف رمسيس التانى و الملكه حتشبسوت و تحتمس التالث و تشوف شعره و دوافره. حقيقى عصر الفراعنه هو العصر الذهبى فى مصر. نفسى بجد كل الناس تزوره وتشوفه وتعرف قيمته بجد.

  • Ahmed ElGohary Elgohary 5.0

    17th June 2010

    لو حابيب تقضي يوم ممكن تروح المتحف لازم نشوف اثار بلادنا قبل منفكر نسافر نشوف اثار غيرنا و بعدين في قسم مفتوح جديد عبارة عن الاثار المسروقة التي تم استعادتها من الخارج بجد جميل جدا اه الناس هناك بتعملك كويس اوي فعلا التذكرة ب 4 جنيها مصري و متنساش متحولش تصور داخل المتحف علشان ممنوع ولا حتي بالموبيل

ارسل رسالة إلى المتحف المصرى للحصول على المزيد من المعلومات

جميع الحقوق محفوظة © 2021 يلوبيدجز مصر المحدودة