اضف شركتك مجانا

مزدحم جداً
مزدحم
معقول
رائع
الطريق

القرية الفرعونية

3 ش البحر الاعظم, الجيزة, الجيزة بجوار محطة بنزين توتال ايجيبت 4.1
مغلق الآن. شاهد كل الساعات

الأحد

الاثنين

الثلاثاء

الأربعاء

الخميس

الجمعة

السبت

09:00 - 18:00

09:00 - 18:00

09:00 - 18:00

09:00 - 18:00

09:00 - 18:00

09:00 - 18:00

09:00 - 18:00

اكتشف الأعمال المشابهة بالقرب منك!
تعرف على شركات أخرى مشابهة!

تعليقات الزائرين

التقييمات العامة

4.1 based on 15 reviews

التقييمات والتعليقات
  • Ali Alaradi 0.0

    8th August 2017

    كل ما في القرية الفرعونية جميل وزرتها اكثر من 5 مرات الغريب في زيارة اليوم وجود متحف او جناح سعودي !!!!!! هذا تشويه لتاريخ مصر العظيم.

  • dodd deeda 0.0

    26th February 2012

    لو بجد عايز تعرف ملامح الحياة القديمة (حياة الفراعنة ) وتعرف اولادك جزء كبير من تاريح حياة الفراعنة بشكل قريب من الواقع يبقى لازم تروح القرية الفرعونية هناك هتعرف حياة الملوك واهتمامتهم وزيهم واعتقاداتهم وكمان هتتعرف على العلوم (الطب والفلك والجمال ,,,,,,,وغيرها وكيفية استخدامها وهتعرف كمان على ورق البردى وكيفية صناعة ورق البردى بشكل رائع جدا وكمان ممكن تدخل المقابر وهناك هتتعرف على علم التحنيط والالهة فى هذا الوقت وغير كل دا انت هتستمتع بيوم جميل جدا على ضفاف النيل مع الاسرة او الاصحاب وتشوف النباتات وطبعا اشهرها زهرة اللوتس وجمالها اتمنى انكم فعلا تروحوا هناك

  • ahmed abdeldayem 0.0

    2nd January 2012

    تعتبر القرية الفرعونية واحده من اشهر الاماكن السياحية واجملها فى مصر على الاطلاق. لانها بتحسسك ازاى المصرى الفرعونى كان عايش حياته وقد ايه حياته دى كانت بسيطة جدا مابين زراعة وكتابه على ورق البردى وتحنيط موتى وطريقته فى اصطياد الاسماك يعنى بتعرفنا على الحياة الفرعونية اللى كانت موجودة منذ الاف السنين. وهناك ايضا مجموعة من الناس بالزى الفرعونى يقومون بتمثيل قصة سيدنا موسى عليه السلام وكمان ميزة القرية الفرعونية انها مش بس للكبار فقط لا كمان بتناسب الاطفال لان فيها ملاهى ترفيهية والعاب كمان مجهزة للاطفال. بجد مكان رائع جدا.

  • Ahmed Emad 0.0

    29th December 2011

    القرية الفرعونية من اشهر الاماكن اللى ممكن تخرج و تتفسح فيها فى مصر و ده لانها فريدة من نوعها فى مصر و ملهاش ابدا منافس و هتبقى تجربة فريدة لو رحت هناك هتستمتع جدا مع اعتراضى على شوية حاجات هناك زى انها المفروض تبقى اكتر واقعية و اكتر حرفية من كده و انك حتى تحس ان الناس اللى بيمثلوا ادوار الفراعنة انهم جايين يأدوا الواجب مع تحفظى انها المكان الوحيد اللى بيمثل مصر الفرعونية و لكن لازم نحترم المكان ده لانه الوحيد فى مصر و ان ملوش مثيل فى مصر عشان كده لازم نشجعه و كمان لو قدرنا نطوره اكتر من كده عشان كمان متنسوش ان فيه سياح طبعا بيزوروه

  • muhammed ahmed 0.0

    11th December 2011

    القرية الفرعونية دي انا فاكر اني زرتها مرة وانا في ثانوي بس فاكرها بكل تفاصيلها وبجد مكان ميتنسيش واجمل ما فيها انها بتظهر الحياة اليومية البسيطة في مصر الفرعونية بابسط تفاصيلها يعني ازاي كانوا بيولعوا النار وازاي كانوا بيجهزوا الاكل وازاي كانوا بيكتبوا وازاي كانوا بيتعاملوا وطريقة تحضير اوراق البردي ده غير المتاحف القيمة جدا الموجودة هناك ومش بس متاحف فرعونية لأ دي بتضم مجموعة كبيرة اوي من لآثار المشاهير والفنانين والرؤساء زي جمال عبد الناصر وام كلثوم وعبد الحليم حافظ ومجموعة كبيرة اوي من الصور والمقتنيات اللي صعب تلاقيها في اي مكان تاني.

  • lolo khairey 0.0

    7th December 2011

    القرية الفرعونية افضل مكان سياحى دخلتو فى القاهرة, انا روحت هناك عشان بنت عمى قررت تعمل خطوبتها هناك, المكان بجد رائع, طبعا لما دخلنا فى مكان لركن العربيات وبيتاكدو من الرخص وكل الحاجات دى, بعدين عشان تروح من مكان لمكان ركبنا عبارة صغيورة عسولة خالص روحنا بيها لمكان القاعة, اللى بيشتغلو هناك كلهم لابسين لبس فرعونى, وكان فى ناس بيخبزو عيش طعمو حلو اوى طبعا اشترينا واكلنا قبل الاحتفال ما يبدأ لان كنا جوعنا خلاص, والاولاد اللى كانو بيقدموا الاكل فى القاعة لابسين فرعونى والترابيزات والكراسى طراز فرعونى, وجو المكان كان جميل اوى الصراحة وانبسطنا كتير.

  • Mohamed Elhusieny 4.0

    6th December 2011

    من اشهر الاماكن السياحية فى مصر والتى تتوافد عليها السياح من حول العالم لان القرية دى تحتوى على محتويات هايلة جدا وكمان مرسس القرية الفرعونية هو الدكتور مهندس حسن رجب ويوجد بالقرية اناس مصريين يرتدون الزى المصرى القديم ويوجد بها سماعات للشرح المفصل عن تاريخ كل شئ فى هذه القرية الرائعة ويوجد بداخلها ايضا المركب العائم بالقناة الآسطورية ويوجد بداخلها شرح للتحنيط وامثلة علية وايضا صناعة الفخار والمراكب ويوجد بيها اشياء كثيرة مميزة واجمل مافى هذه القرية المميزة انك تشعر بداخلها بأحساس يعنى لك انك تعيش فى الطبيعة الواسعة النقية من التلوث ومن الاختراعات ومن كل شئ يعكر صفو الانسان وهو شعور رائع جدا واتمنى من اللى مارحهاش يروحها.

  • laila mohsen 2.0

    12th November 2011

    احلى واجمل رحلة طلعتها وانا فى الثانويه العامة من5 سنوات بجد كانت القرية الفرعونية يااا على جمال الطبيعة فيها بجدا حاجة جميلة اوى من اول ما تدخل القرية تنبهر من جمال المنظر اللى مزين بالنقاشات الفرعونيه الجميلة حتى العاملين بالقريه يرتدون الملابس الفرعونية التى تشعر الفرد بعظمه التاريخ المصرى ومكانته فى العصور الجديده والاستمتاع بركوب المركب وتنظر الى القصور على ضفاف النيل وهم يمثلون قصة سيدنا موسى وأمراة فرعون وكمان فن التحنيط كيف يمثله وصناعة ورق البردى ومن نباتات البردى وايضا كيفية استعمال اوانى الفخار فى معرفة وحساب الوقت عنده بجد استفدت جدا جدا وجمعت اكبر كمية من المعلومات التى لا توجد فى الكتب بشكل واضح ده غير انه الطريقة عبقرية فى شرح التاريخ بالتمثيل وكمان لما نزلنا فى القرية من جوة شوفنا ناس شغاله فى صهر الزجاج على الطريقة اللى كان يتبعها القدماء المصريين ونقش الرموز الفرعونيه على ورق البردى والأسماء كيف تكتب بجد كان يوم من اجمل ايام المرح واكتر موقع للتصوير الفوتوغرافى الجميل مع التماثيل حورس وبووس ولا السينما هناك جميلة وهدوء فى جميع الاماكن بس اجمل مناظر بجد العين تراها فى القرية الفرعونية.

  • mohamed mahmoud 0.0

    28th October 2011

    القريه الفرعونيه من أجمل الأماكن السياحية في مصر، بصراحه مكان تحفه ودلوقتى عملوه فيه جناح لثوزرة 25 يناير غير ان فيه متحف انور السادات وجمال عبد الناصر يعنى مكان تاريخى يضم تراث البلد كلها وكمان فيه جوله على المركب نفرتيتى تحفه اوى ودلوقتى رخصوا التذاكر بقت ب 60 ج وكانت فى العيد منزلينها عرض ب 30ج.

  • Sameh Samir 4.0

    2nd July 2011

    انا زرت القرية الفرعونية من حوالى سنتين وكان يوم رائع لانى اتفسحت واتمتعت باليوم من اوله لاخره.. فكرة القرية كمان جميلة اوى اوى لان لما تشوف تاريخ مصر القديم وتشوف اى صناعة او حرفة كانت بتتعمل زمان ازاى وتشوف حياة المصريين زمان كانت ازاى وكل ده بيحصل وبيتنفذ ادامك مش مجرد رسومات وتماثيل بس .. فطبعا ده شىء رائع جدا ومشوق. فى زيارتى هناك ركبت المركب اللى بتاخدك وتفرجك على نماذج من حياة المصريين وازاى كانوا بياكلوا ويزرعوا ويعملوا ورق البردى وكل ده مع شرح مبسط من مرشد متمكن جدا ومعلومات تاريخية بسيطة وصحيحة وبعد كده رحت واتفرجت على نماذج للبيوت المصرية القديمة والمعابد والطرق والترع وكمان رحت وشوفت النموذج المصغر لمقبرة توت عنخ امون اللى زى المقبرة الاصلية بالظبط وكمان شوفت غرف تحنيط الموتى وتماثيل لملوك الاسر القديمة ومتاحف العصر الحديث زى متحف اكتوبر ومتحف مقتنيات الرئيس السادات رحمه الله. والرحلة مكنتش مجرد زيارة بس كمان رحت المطعم اللى موجود هناك واستمتعت بالاكل هناك جدا وبعد الاكل كان فى برنامج ترفيهى وكان مسلى وجميل اوى وبعد كده اتمشيت فى القرية واتصورت اكتر من صورة جميلة لان هناك فى خلفيات جميلة اوى زى النافورات والحدائق والصخور الفرعونية والمقاعد المصنوعة من الحجر الابيض والبوابات الخشبية وتماثيل الرخام وقبل ماامشى اتصورت مع مرشد الرحلة لانى استفدت منه كتير... كان يوم جميل اوى.

  • michel samir 0.0

    31st December 2010

    من أجمل الأماكن السياحية في مصر والتي من المهم جداً زيارتها خاصة للأطفال والشباب والكبار الذين لا يعلمون الكثير عن حياة قدماؤنا المصريين. والمكان عموما ساحر وجميل ومن الممكن قضاء يوم كامل فيه للاستمتاع به كيوم للنزهه وتناول المأكولات بالإضافه الي سحر المكان وتنظيمه والجو الذي تعيشه وكأنك تعيش في زمن القدماء المصريين والفراعنة، لذلك ينصح دائماً الجميع خاصة الأسر بكاملها للقيام بزيارة هذا المكان الجميل ليتعلم الأطفال الكثير والكثير عن حضارة مصرنا القديمة والتعايش الشبه واقعي للحياة اليومية لقدماؤنا المصريين. فإعتقادي أن هذا أمر شيق جدا جدا لأطفالنا والذي يقوم بزيارة هذا المكان مرة يرغب في زيارته مرات أخرى كثيرة نظرا لروعة المكان والخدمة التي تقدم فيه .. كما تستطيع أن ترى الأجانب الذين يحرصون دوما على زيارة القرية الفرعونية وإنبهارهم بالحضاره المصريه القديمة، التي هي من أقدم الحضارات في العالم والتي يحرص دائما الاجانب دائما على معرفتها ودراستها بإهتمام جدا بشكل يمكن أن نقول عنه أنه أكثر من المصريين أنفسهم. لذلك هذا المكان يعطي الجميع إنطباع أكثر من رائع ويكون رؤية حقيقية بشكل تشخيصي تمثيلي واقعي وجميل عن الحياة المصرية القديمة.

  • Mohamed Elsayed 5.0

    30th June 2010

    القريه الفرعونيه من الاماكن اللى بحب ازورها دايما لانها بتشرح وبتظهر الحياه اليوميه فى مصر الفرعونيه القديمه، كمان القريه الفرعونيه من جوه عباره عن جزيره طبيعيه فى النيل وبيكون فيها اشخاص بيرتدون ملابس تشبه ملابس القدماء المصرين باعمالهم من الزراعه والصناعه وممارسه شعائرهم الدينيه وشئون حياتهم بالاضافه الى نموذج طبق الاصل من مقبره توت عنخ امون بكامل كنوزها. القريه من جوه فيها اماكن عديده لاعمال القدماء المصرين فيها مثلا مكان للتحنيط وصناعه الفخار والمراكب كمان فيه مكان للفطار على الطريقه الريفيه الجميله جداا والافطار عباره عن فطير مشلتت وجبن قديمه (مش) وعسل اسود اوعسل ابيض وجبن قريش افطار هايل جداا بجد يا جماعه هاتستمتعوا جدا لو روحتو المكان الجميل ده

  • abdelrahman gamel 5.0

    30th June 2010

    المكان دة من الاماكن المفضلة عندى بحب اروح هناك كتير بتفكرك كدة بالمصريين بتوع زمان المكان حلو ياجماعة عايزكو تروحو وتجربوا بس دى عايزة يوم كامل. بجد هتتبسطو اوى وتاخد كدة مركب فى النيل وتشوف الوجة التانى من القرية هيعجبكو اوى. اغلب الناس اللى هناك لبسين فرعونى حتى الجرسونات اللى شغالين فى الكافيتريا لبسين لبس فرعونى شكلهم تحفة والخدمة هناك حلوة وكمان الكافتريات اللى هناك كويسة. والزوار هناك اغلبهم اجانب يعتبر مكان سياحى جامد بصراحة عجبنى اوى جربو وقولولى وكمان المكان مفيد جدا لانه بيعرفك حياة المصريين القدماء.

  • Rehab Mohammed 5.0

    27th June 2010

    فكره جميله جدا من الدكتور رجب انه يعمل مصغر لكل تاريخ مصر زى كبسوله صغيرة تلملك كل تاريخ مصر القديم و الجديد فهى رحله تاريخيه و ثقافيه و ترفيهية فيها المركب و تشوف الجزر بالنيل و تتفرج على التماثيل و تسمع عرض زى الصوت و الضوء و فيها متاحف كانك سائح بتشوف مصر لاول مره و فيها نموذج مصغر لمقبرة الملك توت كانك روحت الاقصر بوادى الملوك. و شرح للصناعات اليدويه القديمه زى صناعه ورق البردى و صناعه الفخاريات و العطور و الكروم و النحت و فن الرسم و كمان فيها جناين جميله جدا و ملاهى صغيرة للاطفال فممكن اى حد معاه اطفال يروح هناك هينبسط جداا اللى يزهق من التاريخ يروح للجناين و اللى يتعب من اللعب يروح للمتاحف فالقريه شامله كل انواع التسليه لكل الاعمار و اللى يجوع هيلاقى احلى فطير مشلتت بالجبنه و العسل و فى اخر الرحله يتصور و هو لابس اللبس الفرعونى زى كيلوباترا او تحتمس

  • dalia fakhry 4.0

    25th June 2010

    القريه الفرعونيه من أجمل الأماكن السياحيه التى يقبل على زياراتها الأجانب و المصريين حيث تجمع بين التاريخ القديم و الحديث بدايه دخولك القريه تقوم بركوب مركب فى بحيره مع مرشد سياحى و أمامك على الجانب الأخر يقوم مجموعه من الممثلين الذى يرتدون الملابس الفرعونيه بتمثيل كيف كان الفراعنه يقومون بتصنيع ورق البردى و تصنيع العطور وتصنيع الخبز.... و أيضا يقومون بتمثيل قصه سيدنا موسى و على الجانب الأخر ترى مجموعه من الفلاحين يقومون بتصنيع الفطير الفلاحى و يقومون ببيعه و عندما تنزل من المركب يمكنك أن تدخل متحف صغير ترى فيه قناع توت عنخ أمون الذهبى و مقتناياته (مقلد) و يوجد غرف مبنيه من الطوب اللبنى بداخلها يمكن أن تشاهد كيف كانوا يقومون بتحنيط الجثث و كيف كانت المرأه الفرعونيه تتزين ....هذا عن التاريخ القديم أما عن التاريخ الحديث فيمكنك مشاهده متحف الملك فاروق و متحف الرئيس جمال عبد الناصر و الرئيس السادات و مقتنايتهم.وأخيرا يمكنك أن تتناول الطعام فى مطعم القريه.

ارسل رسالة إلى القرية الفرعونية للحصول على المزيد من المعلومات

جميع الحقوق محفوظة © 2021 يلوبيدجز مصر المحدودة