اسماك الحورانى

Mark Kamel

اسماك الحورانى من المطاعم اللى بتتعد على الصوابع فى الجيزه يعنى بكل بساطه لما تلقى مطعم بيقدم الاكل الجميل ده وكمان بنكهه وطعم لا يقاوم اكيد يبقى مطعم مميز يستحق التقدير الحورانى انا رحتله كذا مره علشان اجبيب سمك من عنده فى كل مره القى نفسي الاكل طعمه خرافى مش بس كده لكن التتبيله مالهاش حل وكمان ياسلام على الريحه لو انت معدى من جنبه وااااااااو مش هاتقدر تغمض بقك انصحك لو انت قريب منه ونفسك تستمتع باأكله سمك لذيذه روح عند الحورانى اكيد هاتدعيلى مش بس كده لكن الاسعار عند الحورانى كويسه خالص مش عاليه ولا حاجه.

Marium Mohamed

بجد بجد تحفة. اسماك الحورانى مشهور جدا فى مصر كلها مش فى الجيزة بس. المطعم متميز جدا فى كل حاجة. رحنا هناك فى يوم كده وجربنا حاجات كتير اوى اوى يعنى مثلا ابتدينا بالشوربة وكان عنده انواع كتير بس احنا جربنا شوربة الحورانى وهي بتتكون من كابوريا وجمبرى وكانت بجد خرافة عن تجربة. وكان فيه بردو شوربة لسان عصفور بالجمبرى وملوخية بالجمبرى للى بيحبهم بس احنا مجربناهمش. بالنسبة للاطباق الرئيسة كان عندهم كل انواع الاسماك اللى ممكن تتخيلها انا طلبت سمك بورى مقلى بالزيت والليمون كان فوق الوصف وكمان الكابوريا المشوية ملهاش حل عندهم. وطاجن السبيط هياخد عقلك معاه من ريحته وطعمه. اللى بيعجبنى كمان اوى فى المحل ده انك ممكن تطلب دليفرى من النت وديه حاجة مش موجوده فى اماكن تانية كتير مشهورة.