اديداس

Wafik Moghaieb

شركة اديداس كونها شركه عالميه لا يجعلها الافضل بل انها الاعظم وذلك عن تجربتي معها في عدة منتجات واهمها الاحذيه الرياضيه من حيث الكفاءه العاليه والراحه والمقوله القديمة بان راحة البنى آدم تبدا من القدمين هي صحيحه تماما لاني عندما اقتنيت من احد المنافسين للشركة العريقه وجدت الفرق واضحا جدا جدا الاحساس بالراحه التامه من استخدام منتجات شركة اديداس وتقيمي المتواضع انها اعظم الشركات المتميزه في الخامات والموديلات المختلفه التي تلائم كافة الاحتياجات وخاصة في الاحذيه الرياضيه. وانصح كل من لم يجد الراحه مع منتج اخر بتجربه احد منتجات اديداس ولن يندم ابدا.

Hazem Ali

تعتبر اديداس من اشهر الماركات العالمية و بصراحة التوكيل جامد جدا من حيث اللبس او الجزم. تتمتع اديداس بالجودة العالية و المتانة سواء فى اللبس او الجزم و بتعيش مدة طويلة مع الواحد وخاصة انا. زرت فرع القطامية و هو مجمع موجود فية اديداس وتمبرلاند وليفيس بصراحة المكان مجمع فية اشهر الماركات العالمية باذواق مختلفة تناسب الجميع شباب و بنات و بصراحة عجبنى منظر جميل بالنسبة للاشحاص التى بتشتغل هناك ان الكل لابس تيشرت اسود مكتوب علية كلمة لمصر بصراحة المنظر حلو و جامد جدا و معاملة الشباب جميلة اوى لدرجة انها تخليك تشترى حتى لو كنت داخل تتفرج بس. اما الاسعار فهى دلوقتى ارخص لانة بيوجد خصومات. بجد الماركة جامدة اوى وخاصة ان معظم الاندية بتلبسها مثل ريال مدريد اللى انا بلبس تي شيرتها في فريقي في شركتي.

Mohamed Yosry

اديداس بدون مبالغة هى اجمد واكبر ماركة فى مصر من وجهة نظرى فعلا من المركات الجامدة جدا، انا تقريبا معظم لبسى من اديداس باستثناء الكلاسيك ولما افكر اشترى احذية بالذات اول حاجة تيجى على بالى هى اديداس ودة برضوا بالنسبة للحاجات الرياضية زى التشرتات و أى حاجة رياضية، وبالذات ان حاجات اديداس مش غالية مقارنة بماركات تانية. ودايما عند اديداس تشكيلات حلوه تخليك محتار تجيب ده ولا ده واى حاجة بتاعت اديداس بتعيش، ويكفى ان اكبر الفرق فى العالم بتلبس اديداس ويكفى ان الزمالك بيلبس اديداس. والاستف الموجود فى اديداس بيبقوا ناس كويسة اوى دايما بيبتسموا حتى وهم عارفين انك بتسأل بس ومش هتشترى وميفضلوش يلفوا وراك دة بالنسبة لفرع جراند مول وسيتى سنتر عشان دول برحهم باستمرار ولما اروح جرند او سيتى سنتر لازم ادخل اديداس.

Mohamed Abdel Rashid

اشهر الماركات العالمية الموجودة فى مصر، نجد عنده ما يناسبك من حيث المظهر والشكل. والاسعار ايضا احيانا تجد اسعار عالية و ايضا اسعار رخيصة بما يناسب جميع الناس. انا بحس براحة عند دخول اى فرع من فروع اديداس و انا اتكلم بالخصوص عن فرع جنينة مول لانى دائما اذهب اليه. فى جميع الاحوال عند زيارتهم ستجد المعاملة مثالية فى كل شئ والخدمة متميزة غير كل المحلات تلاقى العاملين بجوارك اينما ذهبت لكن فى اديداس يتركوك زى ما تحب عند الانتهاء سواء اشتريت او لم تشترى و تجد الابتسامة. ام عن المنتجات من الاحذية الرياضية و ال تى شيرتات المناسبة لجميع الاعمار والشنط الرياضية والشنكار الرياضى والساعات والبرفانات والجواراب المريحة للقدمين. انا لا انسى عند بداية كاس العالم 2006 فى المانيا سارعت بشراء فانلة منتخب المانيا من فرع جراندمول ومازالت احتفظ بها الى و قتنا هذا. اشهر اندية العالم ترتدى ماركة اديداس مثل ليفربول وريال مدريد واى اس ميلان والاهلى المصرى والزمالك المصرى والمنتخبات العالمية مثل المانيا والارجنتين وفرنسا والمكسيك وهولندا.