صيدليات سيف

Mohamed Rezq

احسن سلسلة صيدليات في مصر وعن تجربه شخصيه لاني كنت بدوخ على كل الصيدليات عشان الاقي الروشته كامله وكل الادويه موجوده فكل شركات التأمين تقريبا متعاقده مع سيف عشان معاملتهم الطيبه ووجود كل الادويه فيها وده غير ان الدكاتره الصيدليين الموجودين فيها فاهمين كل حاجه عن الادويه ويقدرو يقولوك تعليمات عن الاستخدام والجرعات بكل ثقه وده من الاشياء اللي تطمن بجد لما تاخد العلاج ده غير انهم عندهم تصرف سريع لاي مشكله من مشكلات التامين الصحي ومن غير ما يحسسك انه هناك مشكله بيحلوها بالهاتف او مع المسؤول عن شركة التأمين اللي متعاقد معاها ولو في كتابه مش واضحه بيتصلو بالطبيب ويعرفوا منه كل حاجه بالظبط فعلا هم صيادله بحق

Ehab Wassily

مجموعة صيدليات سيف مجموعة كبيرة منتشرة في كل مكان وبصراحة مش بالضرورة أشترى منها الأدوية لما اكون محتاج كنت بأشترى منها أو من اى صيدلية قريبة من خط سيرى لحد ما أصيبت اختى بمرض خطير وكان الدكتور المعالج طلب لها نوع مسكن للألم ونوع تانى كالسيوم بمواصفات خاصة وطبعا بدأت رحلة العذاب مع المتوفر والغير متوفر واللف على كل الصيدليات اللي في طريقي واللي مش في طريقي لحد ما دخلت أحدى صيدليات سيف وهى اللي في شارع شبرا دخلت ومعايا الروشتة وأسم الأدوية المطلوبة والغريب أن الدكتورة قرأت اسم الأدوية وقرأت اسم الدكتور في الروشتة وأنا حسيت أنها بدأت تهتم وتسال عن حالة اختى ودة خلاني أحس بالإنسانية وفجأة قالت لي إن الأدوية المطلوبة غير متوفرة مما اصابنى بالإحباط لكن وجدتها تتكلم في التليفون بالفروع الأخرى وبتسال عن الأدوية المطلوبة لحد ما أكدت لي إن الأدوية موجودة فى فرع أخر وأما اذهب بنفسي لاستلامها من الفرع أو الحضور بعد ساعة لحين حضورها من الفرع , بصراحة أنا حسيت إن الدنيا لسة بخير لأن سعر الأدوية مش غالى وأكيد مكسبها مش كبير وأنها ممكن تقولى انها مش متوفرة وخلاص لكنها اهتمت وحاولت بجهد لتوفير الدواء والأكثر من كدة أنها نظمت معايا الجرعة المشتراة هاتخلص امتى واجى بعد أد ايه لشراء كمية أخرى لعدم انقطاع العلاج , الشكر والدعاء لها .