ان اند اوت

Morcos Saad

الفرش حلو وعملى جدا، و موجود تشكيله كبيره جدا ترضى كل الاذواق. والاسعار فى معظم الاثاث مناسبه جدا بالنسبه للخامه والجوده و الاسم، لكن فى حاجات اسعارها غاليه شويه ممكن لو اشتريت الخامات لوحدها و اديتها لنجار بره تقف ارخص، ده بالنسبه للاثاث. بالنسبه لطريقة العرض فهى طريقه جذابه تخليك تشوف كل التفاصيل من غير تعب وكمان تخليك تشوف انواع والوان الاثاث اللى ينفع تتوافق مع بعض عشان البيت كله يبقى متناسق فى الشكل واللون. بالنسبه للخدمه الاشخاص الشغالين هناك على مستوى عالى من المعرفه لاى حاجه ممكن تسالهم عليها و بيجاوبوا عليك بهدوء حتى على اتفه الاسئله بكل بشاشه. بالنسبه لمكان العرض اتمنى لو يكون فيه معارض اكتر علشان تسهل على الناس المسافات الكبيرة خصوصا فى الزحمه اللى موجوده فى البلد.

Walaa Hassan

بجد لو عايز تشترى فرش كويس اوى يبقى من هناك مش هاقول اسعارهم كويسة ولا غالية اوى بس بجد لو عايز تشترى فرش يعيش معاك يبقى من ان اند اوت. هناك كل حاجة وليها سعرها بس احلى حاجة كانت هناك واللى لفتت نظرى جدا هى المودرن. ممكن هناك تلاقى كل حاجة لفرش بيتك تناسب كل الاذواق كمان عجبنى اوى الانتريهات البامبو وهو اللى انا بعشقه, انا شوفتهم فى المعرض واللى بيتعمل فى شهر مارس من كل سنة وبيكون فيه مجموعة كبيرة من اكبر محلات الاثاث العالمية وكانوا متميزين جدا هناك. سعر الانتريه هناك ويكون حلو ومناسب بيبدا من 5500 ج تقريبا