Spectra Restaurant & Cafe

Abdelsalam Elwi

كافيه اسبكترا كافيه ممتاز جدا وموقعه روعه والوصول اليه سهل اوووي من خلال المترو بتاع جمال عبدالناصر او البحوث من الجيزة وبعدين اللى يخليك تروحلة لو هو فين هو مشروباته المتميزه وخاصة القهوة المتعددة النكهه والمتميزة جدا وافضل شيء في المكان ده هو وجود مكان لغير المدخنين يعني تقدر تخرج خروجه جامده جدا وقليلة التكلفة وكمان في مكان محترم بدون حدوث اي مضايقات لك ابدا.. انصحكم بتجربته

Mohamed Rezq

جو خيالي بجد يعني انك تكون قاعد مع اصدقائك والخضره حواليك في الشبابيك والناس حواليك في جو عائلي ده اجمل شيء في الموضوع وكمان اللي بيساعد على الجو ده هو الديكورات الرائعه والأضاءه المكثفه حتى الترابيزات تحفه والاهم انه الاكل رائع في كل شيء في الطعم والتقديم وكمية الاكل في الطبق لازم تشبعك مهما كانت كمية اكل ففيها البركه بس للاسف الحلو ميكملش لانه غالي جدا في الحساب ورغم انه غالي تلاقي المطعم دايما فيه ناس واقفين انتظار عشان المكان مليان ياريت الاسعار تقل شويه عن الحاليه عشان الواحد لو خد حد معاه وراح المكان هيغرم دم قلبه في اكله محترمه.

Mark Kamel

اسبكترا من الكافيهات الجميله اللى فعلا بتتميز بالهدوء والرومانسيه، واللى نالت اعجاب الكثيرين من الناس واللى كمان الشباب هم الفئه الاكبر اللى بتروح الكافيه، لان الكافيه متميز وبيقدم مشروبات جميله والاسعار هناك كويسه، اللى يخلى كافيه زى اسبكترا عليه اقبال متميز من الناس دة اكيد وراه سر، والسرهو التميز مش بس التميز فى الحاجات اللى بيقدمها لكن المكان نفسه بيقع فى موقع ممتاز يخليك مستمتع بكل لحظه وانت قاعد فيه، ياريت يعملوا فروع فى اماكن تانى علشان يرضوا الجميع والعاملين فيه بيتعاملوا بمستوى راقى مع الناس، الفكر جميل وكافيه يستحق ان تذهب اليه.

Roby Moon

طبعا مكان فخم اوى اوى بس هو غالى شويتين لان فى اماكن حلوه بس اسعارها اقل كتير والفرق بينهم مش كبير اوى كده بس بصراحه مكان جامد اوى اوى وهروح تانى كتير طبعا بس لما حد يعزمني ههههه.

Sara Ahmed

مكان جديد بكل معنى الكلمة وأجمل ما فيه أنه شبابي سواء في الديكورات أو الموسيقى أو أنواع الاكلات ومكان مميز جدا لحفلات أعياد الميلاد اللي مش بتتنسي بسهولة.

Kooooka Mohamed

مكان جميل اوى وفيه روح حلوه ولو شباب كمان هيبقى افضل لان المكان شبابى اوى ومنصحش حد يروحه مع العيله.

Motaz Bellah Hesham

افضل افضل المطاعم في مصر على الاطلاق .. جودة هائلة للطعام مكان رومانسي وهادىء للغاية وموقع متميز ومعاملة ممتازة وشيك جدا وساحة انتظار للسيارات واسعة والاسعار الى حد ما كويسة بالنسبة للمستوى العالى والاكل الرائع والكافي اللى بيتقدم ،، واهم ما يميز سبكترا هو المشويات الرائعة والمقبلات والحلويات تحفة والايس كريم رائع وديكور الكافيه والاستايل على الطريقة الايطالية المميزة بصراحة مطعم رائع جدا جدا وشيك جدا وده اول مطعم ايطالى حقيقي في مصر ومن افضل المطاعم اللى بتقدم اكلات ومستوى يرضى به اصحاب الذوق الرفيع .

Mostafa Abd ElRahman

مكان رائع للرومانسيين والكابلز حيث الاضواء الشاعيرية. العاملين يرحبون بك ويسالون اذا كنت من المدخنين ام لا للجلوس فى اى ركن منهما حيث انهم فى مكان منفصل تماما. الخدمة رائعة من حيث السرعة والطعام جميل خصوصا تشيز كوكتيل والفراخ البانية والفراخ المشوية بالمشروم تحفة. وينصح اكل المشروم وهو ساخن.

Hany Fathy

المكان فعلا رومانسى جدا والأكل طعمه حكاية والأسعار تعتبر معقولة نسبيا مش غالية قوى خصوصا إن كميات الأكل كبيرة يعنى بتدفع فلوس وبتأكل وتشبع مش زى اماكن تانية تدفع وتلاقى الأكل عينات.ديكور المكان زى ما بتقول منار فعلا تحفة حتى مكان الإنتظار لو انت مش حجزت شيك جدا. والمكان برضه نظيف قوى والخدمة مميزة وال stuff مدربين كويس وبيساعدوك فى إختيار نوع الأكل لو إنت محتار فى حاجة.بس هو فى شوية عيوب بسيطة قوى لو اتحلت يبقى هايل ..الأكل ساعات بيتأخر شويه وده يمكن علشان المكان على طول زحمة. والحمامات كمان مكانها مش مناسب وضيقة وطبعا مشكلة ركن العربية فى المهندسين دى مأساة بس ممكن تركن عند جامع مصطفى محمود وتتمشى شوية أعتقد ده أقرب مكان ممكن تركن فيه. وطبعا من الأفضل انك تتصل تحجز الأول قبل ما تروح . أنا فاكر أول مرة رحت كنت صايم وما كنتش حاجز وطبعا المغرب أذن ورحت صليت ودورى ما كنش لسه جه وتقريبا يومها فطرت العشاء ومن ساعتها بقيت أتصل الأول..

Manar El Kady

هيفضل دايما اسبكترا متميز بالاكل الممتاز وجو المكان الخاص والخدمة الهايلة، بصراحة وجبة الغذاء أو العشاء في اسبكترا تجربة مميزة جدا، كمان يعتبر من الأماكن القليلة اللي بتجمع بين تقديم أصناف الاكل والحلويات بطعم مميز, بيعجبني اوي فيه كمان ذوقه الرفيع في ديكور المكان فشكل الأثاث الخشبي جميل جدا وبينقسم إلي جزءين: الجزء الأمامي هادي وهو مناسب للمجموعات الصغيرة والجزء التاني للمجموعات الكبيرة فيه مساحات علي طراز المطاعم الأمريكية بـBenches خشبية تسمح بجلوس ستة أشخاص علي الأقل على المنضدة, بس اكتر حاجة بتميز اسبكترا من وجهة نظري هي جودة الاكل وطريقة تقديمة وكمية الاكل بجد حلوة اوي يعني فعلا الطبق كبير اوي وبيشبع جدا وممكن ماتقدرش تخلصه كمان وطعمه يجنن والاسعار مناسبة اوي اوي والمكان نظيف وهايل

Mai Talaat

الكافيه تحفه بس مشكلته زحمه جدااا يعنى لو فكرت تدخل وتاكل فيه لازم تحجز الظهر عشان تلحق الغداه على 7 كده مينفعش تروح من غير ماترتب لها هتستناه كتيـــــــــــر وده بصراحه بيبقى صعب قوى خصوصا لو الواحد جعان لكن فيما عدا ذلك هو تحفه والخدمه فيه حلوة قوى وكمان بيعمل شربه كريمه فظيعه ومشويات هايله واسعاره متوسطه بنسبه لجودته حلوة جدا