Institut Francais

Mark Kamel

من الجميل انك تلاقى فى مصر مراكز ثقافيه جميله بتقدم حاجات تنفع شباب مصر ويستفادوا بيها مش بس كده لكن ما ننساش ان دلوقتى اللغات الاجنبيه ليها دور كبير واهميه كبيره فى حياتنا حتى كمان فى الشغل وكمان علينا اننا نستفاد من تجارب الدول اللى حوالينا، اللغه الفرنسيه من اللغات اللى فعلا مميزه، بتشكل جزء هام جدآ فى مصر والعلاقات اللى بين مصر وفرنسا من تبادل ثقافات وكمان الخبرات فعلآ ممتازه المركز الثقافى الفرنسي بيقوم بدورمهم جدآ وانا من افضل الادوار اللى بصراحه عجبانى فيه الكورسات اللى بيوفرها المركز سواء لغه عربيه او لغه فرنسيه، انا شايف ان تعليم اللغه الفرنسيه عند المركز الثقافى الفرنسي اضمن حاجه لانه موثوق فيه ومعترف بيه دوليا.

Manar El Kady

في الاول احب اني اذكر بعض المعلومات عن المركز الثقافي الفرنسي, هو تأسس عام 1996. واختار مبنى المدرسة الفرنسية للحقوق سابقاً بحى المنيرة مقر ليه، كمان ليه فرع بشارع شفيق الديب بمصر الجديدة، وكمان فرع في الاسكندرية وبيقدم انشطة ثقافية و علمية مختلفة ومتنوعة زي كورسات اللغة الفرنسية والهدف منها نشر اللغة الفرنسية وثقافتها وتواصل الحوار بين الثقافتين المصرية والفرنسية وتبادلهما واللي بيدرسوا الكورسات دي بيكونوا يا اما فرنسيين او عرب دارسين اللغة الفرنسية على اعلى مستوى كمان بيعمل دورات لتعليم اللغة العربية للاجانب وفيه قسم تعليم اللغة العربية المعاصرة كمان فيه مكتبة هايلة بتضم الكثير من المؤلفات، المجلات، الشرائط سمعية، والفيديو والأقراص المدمجة والDVD ده غير قسم الترجمة واللي اصدر الكثير من الكتب المترجمة بالاضافة الى قاعتان كبيرتان للعرض و ساحتان للمعارض، برنامج ثقافى وفنى فى مجال الفن المرئى: فنون تشكيلية، تصوير فوتوغرافى، سينما، فنون مسرحية: مسرح، موسيقى, اما عن تجربتي فيه بصراحة كانت ممتازة لاني بدأت في تعلم اللغة الفرنسية من البداية وبصراحة المادة التعليمية هناك متميزة جدا والكتب والمناهج سهلة وبسيطة وفي نفس الوقت غنية بالمعلومات والامتحان اللي بيتعمل في نهاية كل مرحلة بيقيم الدارس وبتكون فيه شهادة معتمدة بيستلمها الدارس عشان يعرف مستواه , ومن حق اي حد انه يعمل امتحان تحديد مستوى ويلتحق بيه او يبتدي من الاول خالص زي ما انا عملت