سيف ستورز

Mahmoud Ragab

قربت تبقى بابا او ماما ؟ يعني في بيبي قرب يشرف الدنيا ومحتاج حاجات كتير ولوازم خاصة به قبل ما ييجي .. يبقى لازم تروح على اي فرع من فروع سيف ستورز، لأنك هتلاقي كل ما يلزم البيبي من اول يوم في عمره لغاية ما يبقى عنده سنتين او تلاتة. عشان هتشوف كل حاجة بتفكر فيها وحاجات مجتش في بالك لما تشوفها هناك هتفتكر تجيبها، من اول الشامبو والشاور لغاية البوسيتات ولبس الخروج والبيت والالعاب والعضاضات وكل حاجة. انا عن نفسي روحت فرع الهرم ده وجبت الحاجات اللي خاصة بابني قبل ما يشرف وحسيت بوجوده قوي قبل ما ييجي لما اشتريت حاجته. وبجد المكان هناك حلو قوي ومفيش حاجة للبيبي مش موجودة، بس يعتبر بالنسبة لأماكن تانية غالي شوية بس بصراحة كل حاجة هناك ماركات عالمية ومضمونة جداً وجودتها عالية يعني، باختصار الغالي تمنه فيه زي ما بيقولوا... فأنصح كل اب عايز يجيب حاجة البيبي ميفكرش كتير وميتعبش نفسه في اللف على الحاجات دي ويروح مكان واحد بس يلاقي اللي عايزه .. سيف ستورز.