مطعم وكافيه روسترى

Mark Kamel

روسترى من اشهر المطاعم والكافيهات فى المنتزه يعنى بكل بساطه لو نفسك تدوق اكل بجد ويكون طعمه تحفه وكمان بنكهه سحريه انصحك روسترى لانك هتتبسط فيه وكمان هايعجبك كل حاجه هناك مستوى الخدمه والمعامله من القائمين على العمل هناك اللى بيحاولوا انهم يبذلوا اوسع مافى جهدهم علشان يرضوا العملاء انا من رأيى ناجحين فى كده وكمان المكان تصميمه جميل من الخارج ومن الداخل الديكور جميل بشكل لايصدق عندنا مطاعم نفتخر بيها بجد فى مصر تلقاها فى اى وقت والسعر كمان هناك معقول مش غالى ولا حاجه يعنى مميزات جميله مش هاتلاقيها غير فى روسترى .

Amany Zayed

روسترى من أجمل وأرقى الكافيهات اللى تحب تقعد فيها وتشعر فيها بالراحة وطبعا قهوة "illy" الإيطالية الممتازة.خدماته ممتازة وقائمة الأكل روعة جدا وخصوصا فرع عايدة اللى بيقدموا الأكل سريعين وفى منتهى الكفاءة والخدمة المتفانية والأكل طازة دايما وشهى والخيارات متنوعة من حيث المأكولات أو المشروبات أو الساندوتشات ومناسب للعائلة أو للشباب. الأسعار فيه مناسبة جدا ومش غاليه والفطور فيه فى رمضان ممتاز جدا، الجو العام فى المطعم يشعرك بالراحةو الأناقة والإستمتاع يخليك ترجع للمكان أكثر من مرة. وهو بلا شك أفضل فرع لروسترى بالإسكندرية، بس أتمنى لو يكون فى خدمة واى فاى.

Motaz Bellah Hesham

انا زرت هذا المطعم مرتين من قبل وطلبت ديليفري مرة واحدة وبصراحة كل م اسافر لاسكندرية لازم اجيب من هناك اكل لان ببساطه ده من اشيك مطاعم اسكندرية .. الاكل رائع بمعنى الكلمة ، الخدمة ممتازة والمشروبات هايلة ولكن طبعا افضل شىء في هذا المطعم هو المكان المتميز اللى بيقع فيه يكفى انه يبقى بجوار واحد من افضل شواطىء الاسكندرية او مصر عموما وهو شاطىء عايدة اللى بجد هناك ممكن تقعد احلى قاعدة في حياتك وتستمتع بالهواء النقي ومياه شاطىء عايدة الصافية و اجواء المنتزة و زهورها واشجارها الخلابة ف انا في رايي روستري مطعم ممتاز