حسنى للمشويات والمأكولات البحرية

Mohamed Osman

اسكندرية فيها محلات كتير بتعمل مشويات بس انا بصراحة بفضل حسنى لاسباب كتيرة جدا المطعم راقى جدا وشيك جدا وعاملين على اعلى مستوى السلاطات بتاعته متنوعة ورائعة واسعاره ممتازة والموزة بتاعته الله على كده ده كله ميزة واحدة الميزة التانية ان المطعم جنبه الجزارة بتاعتهم بتاعة اللحوم البلدى يعنى كل حاجة بتيجى من الجزارة ودى حاجة تخليك مطمن انك بتاكل لحوم طازة وبلدى كمان الفراخ بتاعته تحفة بتتشوى باحتراف مابيبقاش ناقصها الهوا ومافيهاش عيب الميزة الثالثة هى الاسعار الاسعار ممتازة بالنسبة لمكان لاشياكة دى واكل بالجودة دى المكان كمان مميز فى شارع جمال عبد الناصر بين المندرة والعصافرة بس اقرب للمندرة المحل فيه كل الاصناف اللى تتخيلها بس انا وصفتلكوا اللى انا جربته وبحبه

Mark Kamel

حسنى للمشويات والمأكولات من المطاعم الكبيره جدآ والتى لها شهره عاليه فى الاسكندريه، ينفع تروحها سواء كنت لوحدك او انت واسرتك لان المكان كبير ويتسع لكل المناسبات، الخدمه هناك جميله جدآ مع وجود طقم من العاملين على اعلى مستوى من الكفاءه من حيث التعامل مع الناس، وكمان الشيفات اللى موجودين فى المكان فى قمه الخبره والاداء المتميز، ياسلام على الفراخ لما تاكلها منه هناك طعمها حاجه تانية، وعمومآ كل المشويات اللى بيعملها حسنى جميله جدآ والاسعار كمان كويسه جدآ، مش بس كده لكن كمان تصميم المكان والديكورجميل بيشد الانظار، مكان بيستحق انك تذهب اليه.

Amany Salama

محلات حسني انه مطعمي المفضل سواء فرع المندرة او فرع بحري فهو مطعم غني عن التعريف، لانه يمتاز بجوده الطعم وخاصة الكفته التي لا يجيدوها منافسيه ويمتاز بالخدمة الفندقية الرائعه التي تجدها من كل من يعمل بالمطعم. كنت اخر مره هناك من حوالي اسبوعين فكانت يدي بالجبس فذهب احد طاقمي الخدمة وأحضر وساده صغيرة كي استطيع ان اسند يدي عليها وذلك من غير ما أطلب مجرد انه لاحظ اني لا استطيع وضع يدي على الطاولة فكل من يعمل هناك يعمل لراحتك وسعادتك واستمتاعك بالطعم الشهي اللذيذ. انا الآن اشتقت اليه كثيرا من كثر حديثي عنه.

Manar El Kady

من اشهر مطاعم المشويات والاسماك وافضلهم كمان والخدمة فيه حلوة اوي وكمان الاسعار هناك معقولة وانا عن نفسي بيعجبني اوي الاكل بتاعهم انا روحت فرع مدينة نصر وفرع الاسكندرية وبصراحة الفرعين كبار وممتازين اوي سواء في نوعية الاكل اللي بيقدموه وطعم الاكل والخدمة اللي هناك والنظافة وكمان الاصناف هناك متنوعة وكتيرة سواء في المشويات او الاسماك