مطعم المصريين للمشويات

Farag Yahia

مطعم المصريين من افضل المطاعم فى شرم الشيخ وعندو شهره كبيره بين المصريين والاجانب دا الغريب ان فى ناس بتبقى ساكنه فى فنادق بتسيب الفندق وتروح تاكل من عند المصريين انا جربت المطعم كتير جدا اول ما روحت شرم اصحابى نصحونى بيه وبعد كدا مفيش مره اروح شرم الا لازم اكل عند مطعم المصريين وحتى فى رمضان معظم الشركات فى شرم بتجيب فطار وسحور للموظفين من عند المطعم ده وبيتميزوا بأن الدليفرى بتاعهم سريع جدا وبيوصل لأى حته فى شرم وبجد الاكل عندهم له مذاق خاص دا غير نظافه المكان لو اكلت فى المطعم وبرغم كل المميزات والشهره دى اسعارهم كويسه جدا.

Marium Mohamed

المعنى الحقيقى للأكل المصرى هتلائيه فى مطعم المصريين للمشويات.كل حاجة بتحلم انك تأكلها هتلائيها عندهم كل انواع المشويات الى ممكن تختر على بالك و الى مش ممكن تيجى فى بالك بردوه هتلائيها عندهم.صحيح المطعم موجود فى شرم الشيخ بس بس الصراحة صيته بيوصل لحد القاهرة.لدرجة لما رحنا شرم الشيخ فى رحلة صممنا ان احنا لازم نجربه و بصراحة كل توقعاتنا عنه كانت فى محلها من كل النواحى.المطعم موجود فى منطقة تحفة و كمان الهوا حلو اوى الاكل كان اكثر من رائع خاصة الكباب و الريش الضانى و كمان الكفتى و الفراخ كله كان خرافة.و الناس الى شغاله فى قمة الادب و المكان نضيف جدا ذى الاكل بتاعهم بالظبط .

Mark Kamel

مطعم المصريين طبعآ مطعم محترم جدآ له شهره واسم عالي في مجال الأكلات، ما يعجبني انا شخصيآ في التكية هو اولآ: التنوع في الأكلات ليرضي جميع الاذواق ويجذب محبيه، فهناك تجد المشويات تحفه والحاجه الحلوه دي بقي حكايه تانيه، حاجه بتشد انتباهي في مطعم المصريين العاملين هناك، فتجد التخصصات علي كل قسم وأيضآ نظافه علي أعلي مستوي، الأكل سخن مولع له مذاق خاص، والخدمه سريعه ايضآ، أما بقى عن الأسعار فهناك البعض مما يقولون أن الاسعار مرتفعة بعض الشئ، ولكن انا شخصيآ اقول ان الأسعار عادي جدآ جدآ وخاصة اكل وخدمه بهذه الشكل الممتاز، بجد لو حد محتاج يتذوق اكل لذيذ يروح مطعم المصريين واكيد هيتبسط.

Motaz Bellah Hesham

مطعم المصريين في شرم الشيخ هو افضل وارخص مطعم ممكن تاكل اكل مصري رخيص وممتاز من عنده ،، انا روحت شرم الشيخ اكتر من 6 مرات وجربت المطعم ده في اخر سنتين وان شاء الله كل م اروح شرم لازم هروح هناك ،، مكان المطعم متميز جدا في السوق القديم يعنى من اكثر المناطق الحيوية في شرم ،، الاكل جوه جميل جدا وخاصة الرز والفراخ والحمام والسلطات ،، ستايل المطعم شيك جدا زي معظم محلات شرم الشيخ ولكن اللى بيميز المصريين انه على الطريقة الشرقية ،، الستاف محترم جدا والادارة ممتازة ،، انا صراحة بعتبر مطعم المصريين هو رقم واحد في شرم الشيخ وبنصح كل اللى يروح شرم انه يجربه

Mohamed Azeem

المطعم ده هايل سعر وطعم وخدمه جربت عنده الحمام والموزه واسعاره بالنسبه لشرم حلوه جدا حتي بالمقارنه باسعار القاهره حلوه جدا الخدمه والنظافه ممتازه

Medo Medo

المطعم ده يا جماعه انا جربته في شرم الشيخ لما كنت هناك و كنت ساعتها نازل في فندق و ماكانش عاجبني الاكل فيه الفندق اللي كنت فيه كان في نسخه يلوبيدجز البحر الاحمر عملت بحث عن مطاعم هناك علشان نتغدى فيه و كان المطعم ده عامل اعلان في الدليل فعرفت العنوان و رحت و المكان كان اكثر من رائع و الاكل فيه ممتاز من سلطات لمقبلات لاطباق رئيسيه هو المطعم مشهور جدا هناك و الناس كلها تعرفه لان احنا وصلنا بسهوله و المكان هناك 90% من القاعدين اجانب حتي انا استغربت ان الاجانب بيحبوا اللحوم الحاجات بقي الجامده عنده الكفته و الكباب و الفراخ المشويه و الرز بالمكسرات و الحمام جامد جدا انا عارف ان ده كتير بس انا فعلا جربت الاكل ده كله و الخدمه فوق الممتازه سواء للمصريين او الاجانب و في مكان ممكن تاكل فيه جوه المطعم و مكان في الشارع القعده بتاعتوا كانت جامده جدا لازم اليي يروح هناك يجربو