وى - المصرية للاتصالات

Ehab Wassily

انامشترك فى خدمة الانترنت تبع شركة تى داتا فرع المهندسين شارع شهاب بصراحة لئيت عندهم سرعة فى اجراء التعاقد وادخال الخدمة على التليفون وعلشان انا لسة جديد فى موضوع الانترنت حصل مشاكل وكنت بكلم خدمة العملاء فى اى وقت صبح او ليل وكانوا بيقدموا الخدمة فى منتهى الجمال حتى كان المندوب بيفضل معايا على التليفون ويطلب منى عمل خطوات لاعادة ضبط الروتر ويفضل معايا على الخط لغاية ميتاكد ان الخدمة شغالة وان سرعة الانترنت مظبوطة من خلال السيستم عندة واكتشفت ان عندهم نظام حلو ان فى حالة الاتصال لشكوى فى يوم اخران الشكوى متسجلة عندهم على السيستم علشان اى مندوب يقدر يحل المشكلة بناء على المعلومات المسجلة عندة

Abdelrahman Gamel

لما قدمت على اشتراك الانترنت فى تى اى داتا جولى بعدها باربعة ايام وده كان شىء هايل جدا لان فيه ناس كانت قالت لى انى هاستنى اسبوعين ركبوا الاسلاك والراوتر وكله بقى تمام وكنت ساعتها مقدم على سرعة 256 وبعدها بفترة قصيرة جدا لاقيتهم عملوا عرض ولغوا السرعة دى وخلونى 512 وبنفس الاشتراك ومن غير ما اطلب او اروح لمقر الشركة انا لما باروح ادفع الفاتورة كل شهر فى الفرع اللى فى تقاطع شارع الرياض مع شارع شهاب فى المهندسين بالاقى سهولة كبيرة ونظام كويس قوى فى التعامل وبامشى فى اقل من 5 دقايق حتى لو فيه ناس كتير والفرع زحمة لان كل واحد ليه رقم ودور لكن لما باروح الفرع اللى فى بى تك فى ميدان الجيزة بالاقيه دايما زحمة وباتاخر جدا لان النظام هناك مش موجود بس هما عموما محترمين والخدمة ما بتقطعش خالص والسرعة معقولة جدا .