كوك دوور

Mohamed Mesregah

كوك دوور المنصورة من أحسن المطاعم اللي أنصح كل واحد بيزور المنصورة انه يتغدى فيها المطعم قدام باب كلية الحقوق على طول. المطعم عبارة عن دورين، الدور الأول للأكل العادي، القعدات على كراسي متنجدة باللون أحمر جميلة جدا ومريحة ورومانسية، والمكان مكيف، الأكل طازج جدا وبيبقة لسة معمول، أنا جربت البانيه والهامبرجر. بتختار وجبتك وتحاسب عليها وتقعد تستنى لحد ما تتعمل وتجيلك لحد عندك. فيه في المطعم شاشتين إل سي دي غالبا بيشغلوا فيها مباريات كرة قدم وبيشغلوا أغاني هادية على طوول في المطعم بس عيبهم انهم بيشغلوا أغاني لمطرب واحد لحد ما يخلصوا الألبوم بعد كدة يقلبوا على مطرب تاني، الدور التاني عبارة عن مكان للحفلات أو مثلا أعياد الميلاد، وتحت برضه فيه دورة المياة وهي كويسة جدا.

Ahmed Istambouly

كوك دووور المنصورة في أول يوم زرت فيه المنصورة، كنت رايح فيه الجامعة، وأنا طالع كانت الساعة 2 تقريبا، يعني وقت الغدا. أول مطلعت من باب الجامعة لقيت قدامي كوك دوور. أول ما تدخل المطعم هتلاقي في وشك الاستقبال، هتروح هناك وهتلاقي قدامك صور الوجبات والسندوتشات الي بيقدموها، وجمبها السعر بتاعها، هتطاب الي انت عايزه بعد كدة تدفع الحساب وتاخد الفاتورة، وتروح تقعد في المكان الي انت عايزه، أول ما الأكل يجهز هتلاقي جاي لحد عندك في المكان الي انت فيه، والأكل بيبقى طازج جدا وسخن ولسه معمول. أنا شخصيا جربت وجبة فراخ بانية وبيبسي وجبة هايلة جدا، على فكرة دورة المياه في الدور الأرضي بتنزلها بسلم دائري أنصحكم بزيارة كووك دور