كوستا كوفى

Mohammed MOSTAFA

كوستا كافيه من الكافيهات المحترمه والى بتقدم خدمه ممتازه وله فروع حلوة ذى فرع عباس العقاد والدقى الى بيتميز انه دورين والفرع ده الى فى مكان تحفه بينفعنى لما المدام بتكون رايحه روكسى ومصر الجديده للتسوق بوصلها واقعد هناك لغاية ماتخلص لف هو المكان زحمه بصراحه بس حلو لكن للاسف كان فى من فترة واى فاى فرى وكان بيميزه بصراحه عن غيره لكن للاسف دلوقتى باه بكروت شحن مش عارف ليه اما بالنسبه للمشروبات فهى حلوة قوى وبالذات الكابيتشينو عليه حجم حكايه وطعم جامد قوى واحلى حاجه بتعجبنى انهم بيقدموا العصائر فى زجاجات بلاستيكيه مغلقه ومتبرشمه فالفكرة حلوه عشان لو حد عايز ييشرب شويه وياخد الباقى يشربه فى العربيه فالفكرة حلوة اما بالنسبه للنظافه فهى محتاجه اهتمام شويه وخاصة فى الحمامات ونفسى الكافيه يفضل اربعه وعشرون ساعه لانه للاسف بيقفل الساعه اتنين اما بالنسبه للويترات فهما محترمين ولطاف ودايما بيقابلوك بابتسامه.

Manar El Kady

حلو اوي بس عمري مافكرت اقعد فيه غير مرة واحدة بس من الزحمة والدوشة دايما باخد الطلب بتاعي تيك اواي وامشي دايما بطلب فريسكاتو موكا طعمها حلو مووووووت وباقي الاصناف برضو جامدة اوي وبصفة عامة الخدمة فيه كويسة

Hany Fathy

من الاماكن اللى بستقرب اروحها خصوصا يوم السبت الصبح مع انه دايما زحمة ومتعرفش تكلم كلمتين من الدوشة بس هو تقريبا كده بقى ادمان الللاتيه مع الكيك البروانيز وادفع ال50ج زى الشاطر و اقوم. المكان فى wi fi ودى طبعا حاجة كويسة للناس اللى غاوية نت وحركات الخدمة كويسة جدا والطلبات عمرها ما تتأخر 5 دقايق بالكتير وال stuff معظهم بيحاولوا يكونوا لطاف اما عن نظافة المكان فللأسف الحمامات مش نظيفة مش عارف هل ده بسبب ان المكان على طول زحمة ولا إهمال ولا ايه وعلى فكرة انا كذا مرة الفت نظرهم للموضوع ده. عموما انا من يوم 25-4 اللى فات مرحتش يمكن تكون الدنيا اتظبت دلوقتى لو رحت يوم السبت اكيد اقول .