حلوانى امير الدمياطى

محمود ناجى نصرالدين محمد

محل حلوانى الدمياطى من افضل واشهر محلات الحلويات فى القاهرة والجيزة والجمهورية.بصراحة كل الحلويات اللى بيعملها لا تقاوم. حلوانى الدمياطى بيعمل جميع انواع الحلويات وبطرق مختلفة. افضل حاجة بحب اكلها من عنده هى الحلويات الشرقية. وكمان بيعمل مجموعة من الجاتوهات والتورت الجميلة واللى طعمها لا تقاوم. وبصراحة الخدمة هناك متميزة جدا والمعاملة بين العمال والناس كويسة جدا. والاسعار عنده رخيصة جدا وفى متناول الجميع. وكمان المحل نظيف جدا وطبعا دي اهم حاجة فى اى محل بيقدم ماكولات ومشروبات. وبجد اى حد عايز يجيب حلويات لازم يروح للدمياطى.

Manal Zaglol

حلوانى جامد جدا، تشكيلة جامدة من الحلويات الشرقية والغربية وكمان البيتزات والفطاير والايس كريم. على طول أنا بجيب منو.

Sherif Samy

الدمياطى يعنى احلى الحاجات الحلوة، بجد المحل دة عندة تشكيلة حاجات حلوة من اللى قلبك يحبها، وبعدين عندة كمان طريقة عرض فوق الجميلة، الحاجة تجبرك من غير ما تاكل لازم تشترى عشان تدوق الحاجات المعروضة دى، وكمان انا معتقدش ان مفيش حد ميعرفش الدمياطى سواء كان جرب الحلويات اللى عندة او على الاقل سمع عنة، عشان الدمياطى قديم ولية فروع كتير فى كل حتة عشان كدة انا بيتهئ لى ان مفيش حد ميعرفش الدمياطى. وبجد بجد انا اكتر الحاجات اللي انا كلتها من عندة وعجبتنى اوى هى البسبوسة سواء كانت البسبوسة بالبندق او سادة، انا مكلتش بسبوسة بالحلاوة دى قبل كدة ولا التورت بقي دى فيها كلام كبير اوى عشان عندة تشكيلة فوق الفظيعة، و اكيد الكل عارف ان الدمياطى قديم جدا ونجاحة معروف عند الناس كلها بجد انا لو فضلت اكلم من هنا لبكرة على الدمياطى مش هديلة حقة برضة.

Sameh Samir

حلويات الدمياطى هى احلى حلويات شرقية ممكن تاكلها فى حياتك. محلات الدمياطى للحلويات واحدة من اكبر محلات الحلويات فى مصر واسم كبير وله تاريخ. وتعتبر من اوائل محلات الحلويات فى الجيزة، اسسها الحسينى سلامة منذ اكثر من 40 عام ومستمرة حتى الان ومن نجاح لنجاح ودائما فى تطوير مستمر، من حيث انواع الحلويات الشرقية والغربية والبيتزا والفطائر الشرقية والمخبوزات وانواع الشيكولاته والايس كريم. كما ان التطوير يتم ايضا فى الفروع من حيث التجديد والصيانة المستمرة وافتتاح فروع جديدة تغطى معظم انحاء القاهرة. وكل هذا نابع من ادارة جيدة تقدر النجاح وتعتز باسم الدمياطى وتعمل على تعزيزه فى السوق. فى اخر زيارة لفرع الجيزة وهو الفرع الاول والرئيسى وصاحب الموقع الفريد فى قلب ميدان الجيزة وجدت ان الفرع تم تجديده حيث تم توسيع المحل من الداخل، واتاحة مساحة كافية لقسم البيتزات والفطائر الشرقية. كما ان الاضاءة اصبحت اكثر قوة ووضوحا، وثلاجات العرض الجديدة تمتلىء باصناف الحلويات المختلفة، والتى تعبر عن استقبال الشهر الفضيل. والمكان كله اصبح ذات تهوية جيدة والمدخل اصبح اوسع كثيرا عن سابقه. وتمت اتاحة دور علوى كصالة طعام وخدمة التوصيل اصبحت تغطى نطاقات اوسع والتوصيل مستمر للساعات الاولى للصباح وكان واضحا جدا استخدام كاشير الفرع اجهزة الحاسب الالى والتقنية الجديدة فى مجال حسابات العملاء. الدمياطى ليس فقط صانع للحلويات ولكنه ايضا يقدم لربات البيوت والمحلات الاخرى المواد الخام لصناعة الحلويات. وفى اعتقادى ان سر نجاح الدمياطى فى صناعة المواد الخام التى يستخدمها وليس فى اعتماده على الموردين والشركات الاخرى فى مجال المواد الخام لصناعة الحلويات.

Fady George

يا سلاااااااااااام علي البسبوسه بالبندق لما بجيب منها ببقي مش عايز اسيبها بجد تحفة، وغير كده الكنافه برضو بالمكسرات. فعلا هو اصل الحلويات وده اللي بيقدم الاصناف الشرقيه بشكل ممتاز، ولو رايح تزور حد او مناسبة خد تورتة الشيكولاتة او تورته الفورسيزونز بجد تحفه. الطعم بصراحه تحفة انا هاقوم دلوقتي اشتري تورتة وجاتوة وبسبوسة حالا لاني جعت، اما البيتزا ياه تحفه مارجريتا واو تحفة. الدمياطي من 1950 يعني حوالي 60 سنة اكيد بيقدم احلي واشهي الماكولات والحلويات في مصر، انا بعتبره كده.

Abdelrahman Gamel

الدمياطى دة اصل الحلويات الشرقية عندو بجد تشكيلة حلويات حلوة اوى. انا اكلت هناك بسبوسة بالقشطة جامدة اوى احلى من اى بسبوسة ممكن تاكلوها فى حياتكو بجد جامدة اوى روحو وجربوا ولا الكنافة اللى بيعملها واسعارة مناسبة جدا بجد انا بسمع ان الدمايطة هما اصل الحلويات وببعملوها جامدة اوى وعندهم كمان شوية جاتو جامد اوى هيعجبكو بجد. كنت مرة جبت من هناك تورتة عيد ميلاد لاختى وعجبت كل اللى كانو فى عيد الميلاد اوى وسألوا عن التورتة دى منين.. كانت تورتة شيكولاتة بالفواكه بس لذيذة اوى. اللى عندو عيد ميلاد او مناسبة حلوة هتعجبكو اوى بجد روحو وجربو الحلويات الجامدة اللى هناك هيعجبكو بجد.

Manar El Kady

تشكيلة الحلويات عنده ممتازة وطعمها تحفة بجد كمان الباتيه بتاعه والدانش كلهم طعمهم يجنن والبسبوسة بتاعته مالهاش حل وكل الاصناف التانية بتاعته جميلة جدا انا ماجربتش الاصناف الحادقة بتاعته بس اكيد بنفس جودة الاصناف الحلوة مشكلته بس ان فروعه مش كتيرة