جراند كافيه

Pola Adel

كافيه من اجمل الكافيهات اللي دخلتها المطلة علي النيل وكان فرع المعادي بس بصراحة من اغلي الكافيهات بالذات ايام الفالانتين, كنت بروحه انا وخطيبتي وبجد كان الوقت بيفوت هوا واحنا هناك لأن المكان يعتبر من اشيك واجمل واكثر الاماكن رومانسية اللي ممكن تكون فيه مع خطيبتك او مراتك وتكون واثق انك هترجع مبسوط, بس خد بالك واعمل حسابك في لوكشة فلوس حلوة, و من الحاجات اللي اقدر افيدكم بيها عن الكافيه ان الminimum charge بيزيد ايام الاعياد والفالانتين فوق 40 جنيه الفرد ومن ضمن اللي بيقدموه ايس كريمات غاية في الجمال مثل ايس كريم جراند كافيه بالاسم من افضل ما يقدم من الايس كريم والشيشة واكل ممتاز بالذات المشويات ومن الخدمات اللي بيقدموها انك تعمل عيد ميلادك بس برسم دخول 50 جنيه للتورتة.

Motaz Bellah Hesham

جراند كافيه من افضل الكافيهات اللى في مصر، وبغض النظر عن المشروبات الساخنة الممتازة هناك زي الكابتشينو والاكسبريسو الا ان هناك فيه وجبات ممتازة جدا زي الطاووك والبرجر والمشويات عموما، الكافيه شيك جدا وافضل فرعين بالنسبة لى هو داندي مول وشارع النيل وبورتو مارينا وان كنت بفضل اكتر داندي مول وبورتو مارينا عشان الزحمة، الكافيه من جوة على اعلى مستوى من النظافة، اعلى مستوى من الخدمة والستاف على مستوى عالى جدا من التميز، طبعا الاسعار هناك غالية وفيه مينيمم تشارج 40 جنيه للفرد واحيانا بيبقى فيه رسوم دخول، الكافيه كتير اوى بيروحه شخصيات مشهورة وانا قابلت قبل كدة انتصار وقابلت عبد المنصف ولقاء الخميسي، صراحة كافيه رائع جدا وانصح كل الناس انها تجربه لانه ممتاز.

Mark Kamel

من الجميل انك تلاقى كافيه ومطعم فى مكان واحد، مش بس كده لكن جراند كافيه بيتميز بأنه بيوازن بين الاتنين بشكل ممتاز، بحيث ان الاكل هناك متميز وكمان التنوع فظيع بحيث ان الاكل ليه مذاق خاص بيعجب جميع الاذواق، المكان بيتميز بالهدوء وكمان الديكور فظيع مصمم بطريقه جميله، وكمان المشروبات الساخنه هناك جميله تلاقى اللى انت محتاجه وبسهوله وكمان السرعه كويسه، بينفع قوى لما تكون عازم حد لان المكان شيك وفى نفس الوقت الاسعار كويسه وياسلام لو روحت انت واصحابك هتقضى وقت جميل وهتستمتعوا جدآ، جراند كافيه يستحق ان تذهب اليه بلا تردد.

Sherif Samy

احلى جراند كافية اللى فى امريكانا اللى فى الجيزة، وطبعا لانة على البحر وهادى جدا بعد الظهر يعنى تخيل انك فى مشكلة وقاعد على النيل بتشرب قهوة جامدة جدا فى مكان هادى على النيل ساعة الغروب، لازم بعد القهوة هتلاقى حل او اكثر من حل، وصدقونى دة عن تجربة لان بجد المكان تحفة. وانصح الكل انهم يروحوا هناك اذا كان عندهم مشكلة او لا بس فرع الجيزة دايما مش زحمة زى المعادى، ولو عندك مشكلة وروحت ولقتلاها حل ادعيلى.

Mai Emara

بجد احسن كافية ممكن تروحوا واحسن استف بس الفرع اللى على كورنيش المعادى اجمد كتير من فرع الجيزة انصح كل الناس انهم يرحوا يلاة مستنيين اية بسررعة

Hany Fathy

فعلا هو كافيه جامد فعلا وقاعدته حلوة قوى وفرع الميريلاند كان من أحلى الفروع بس يا مستر تايجر الفرع ده مع الأسف قفل من حوالى سنة ونص ؟؟؟ أنا كنت بحب أروح الفرع ده قبل ما يقفل القاعدة بتاعته وهمية بالذات بالليل الجو بيبقى رائع بس هو عيبه إنه كان على طول زحمة. انا دلوقتى بأروح فرع شارع الثورة بس ركن العربية هناك مأساة لإن الباركينج فى طريق بطئ موازى لشارع الثورة الرئيسى وكمان فى هناك مطاعم كتير غير عربيات سكان العمارات اللى فى الشارع يعنى الدنيا بتبقى زحمة مووت. بس الموضوع يستاهل.و زى ما قال الجوهرى المشروبات فعلا جامدة بس الأكل ساعات و ساعات بس الفرع ده أكله كويس. بس هى فعلا الأسعار غالية نوعا ما بس المكان بجد وهمى.

Manar El Kady

من الكافيهات الرائعة والجميلة واحلى فرع انا بحبه هو فرع المعادي لانه على النيل مباشرة، القعدة فيه رائعة جدا ورومانسية ومرحة و ليها أكتر من شكل .. مودرن .. كلاسيك ده غير منظر النيل البديع وكمان الاضاءة رائعة، المكان مناسب لكل الاوقات سواء الصبح لو عايز تفطر هناك او الظهر او بالليل بجد المكان ممتاااز ومريح للاعصاب ومناسب للخروجات العائلية او مع الاصدقاء واسعاره مناسبة مش غالي وبتقدر تتحكم في الطلبات اللي انت بتطلبها لانك بتدفع منيمم كمان الخدمة فيه ممتازة جدا ومستوى النظافة فيه عالي والجو العام يخليك عايز تروحه تاني