تاى هاوس

Mohamed Osman

المكان ممتاز بيحتوى على لبس شيك جدا جدا ومتنوع للرجال، المهم هو الاسعار، وهحكيلكو التجربة، انا شفت بليزر فى المنفذ الاوروبى وكان عاجبنى جدا جدا بس للاسف كان الوحيد اللى مقاسى فيه عيب وكان سعره هناك 250 بعد 300 جنيه، المهم سالته ممكن الاقى البليزر فين قالى روح لتاى هاوس، المهم لاقيت البليزر هناك وكل المقاسات والالوان وكمان ب 200 جنيه بس، طبعا الكلام ده من شهرين او شهر ونص، ومن ساعتها وانا رايح جاى عليهم، بيعملوا خصومات ممتازة، وبيبقى عندهم ساعات لقط عليها خصومات جامدة للتصفيات، بردو عندهم حاجات رواكد او فرز تانى بيها بعض العيوب الغير ظاهرة وباسعار اقل من نص السعر، المهم لازم تجربوا المحل ونسيت اقولكوا الناس هناك محترمة ومتعاونين جدا، اتمنى اكون فدتكم.