اسواق فتح الله

Mohamed Rezq

سوبر ماركت رائع جدا وبالنسبة لي كاحد رواد العجمي بشوفه السوق المتكامل بالنسبة لي لاني مش بعرف كل حته في العجمي كويس لاني من القاهره فالواحد بيروح هناك وبيجيب كل احتياجات المصيف من اكل وشرب وخضار وفاكهه ولحوم وعصائر وبصراحه النظام جميل فيه قوي وتلاقي كل اللي انت محتاجه فيه بس المكان مش واسع قوي وبيكون زحمه معظم الوقت ورغم كده الاقبال كبير ماشاء الله اتمنى انهم يلاقو حل للمشكله دي عشان الناس بتروح للمكان عشان الاسعار هناك اقل من اي مكان تاني بجد وتحس انك بتدفع فلوسك في شيء ذو قيمه وفي سوبر ماركت مصري خالص.

Esraa Gaber

هو تاني احسن ماركت بعد كارفور الواحد بيلاقي الحاجات الي هو عايزها والمعامله فيه كويسه وهو مكان نضيف وانا بروح اشترى الحاجه الي البيت عايزها من هناك وبخلص بسرعه وهو قريب من بيتي وامي بتشتري كل حاجه من هناك والاكل هناك نضيف واسعاره رخيصه واعتقد الناس الى في اسكندريه معظم حاجات البيت بتاعتهم من هناك وعلي كده هو مشهور قوي وكفايه ان هو متأسس من زمان قوي اقدم من اي ماركت تاني واحلي حاجه ان هو عند بيتي فانا بروح هناك علي طول بس الوحش ان المكان مش واسع قوي وبيبقي زحمه ودي حاجه مش حلوه بس ده مايمنعش ان هو رائع.

Amany Salama

سلسله محلات فتح الله جمله ماركت فهو السوبر ماركت الوحيد في مصر اللي تدخله وتلاقي كل الأسعار فيه أقل من اي سوبر ماركت تاني ولا اي محل عادي تاني بجد بتلاقي فلوسك بعد كده مش تدخل سوبر ماركت تصرف فلوسك كلها وبعدين متلاقيش نفسك اشتريت حاجه مفيده وكمان العروض اللي بيعملها عروض بجد مش وهمية مثل المنافسين في نفس المجال والصلاحية ممتده على الأقل سنة إضافي وكمان عايزة اتكلم على الخضروات كتير يقولك احذر شراء الخضروات من السوبر ماركت بتلاقيها وحشة وغالية ده مش عند فتح الله تلاقي خضروات طازجة وبنفس سعر السوق

Mark Kamel

انه المكان المحبب لى فى التسوق حيث الأسعار المناسبه والمنتجات العديده والخدمات المتميزه وله العديد من الفروع فى الاسكندريه. ذهبت الى هذا المكان عشرات المرات لشراء جميع المنتجات مثل اللحوم وأدوات التجميل والأجهزه الكهربائيه وغيرها. انه مكان رائع.