بريجو جريلد تشيكن

Mark Kamel

بريجو من المطاعم الجميله فى مصر وخاصه فرع مصر الجديده، زيه زى اى مطعم بيعمل الاكل متميز وكمان الخدمه فوق الممتاز، مش بس الاكل كمان كويس لكن كمان الخدمه هناك مميزه، يعنى لما تطلب حاجه مش بيتأخروا وكمان ناس فى قمه الذوق وتعاملهم جميل مع الزباين، الاسعار كويسه مش عاليه ولا حاجه، بس المطعم مش مشهور قوى بمعنى مش عليه اقبال كبيرمن الناس ودة فى رأيى بيرجع لان الاعلان او التسويق مش كويس، بس اعتقد ان المطعم بيحافظ على نجاحه بمستوى مستقر، واكيد هيكون ليه مستقبل جميل فى الاكل بريجو ينفع تجربه ولو ما كنتش فاضى اطلب دليفرى وهيوصلك لحد البيت.

Manar El Kady

من اكتر المطاعم اللي انا شخصيا بحبها وبحس ان الاكل فيه جميل وطعمه حلو اوي وفي نفس الوقت الاكل نظيف والكمية بتاعة الاكل سواء الوجبات او الاطباق او الساندوتشات حلوة وبتشبع، الاصناف عنده كتيرة ومتنوعة ودايما بيحاول يقدم الجديد ومحافظ على مستواه من ساعة ما فتح. فروعه مش كتيرة اوي وخدمة التوصيل عنده متوسطة يعني ساعات بيوصل الاكل بسرعة وساعات لآ والاسعار عنده معقولة جدا ومن اكتر الاصناف اللي بحبها عنده ساندويتش الشيش طاووق وساندويتش الصدور المشوية و اطباق الرز عنده كلها حلوة اوي